प्रभु महालक्ष्मी लाइफले बिलम्ब शुल्कमा ५० प्रतिशत छुट दिने

BFIS News
2024 Jan 01 07:02

काठमाडौं । अंग्रेजी नयाँ वर्ष २०२४ को सुरुवातमै प्रभु महालक्ष्मी लाइफले बीलम्ब शुल्कमा ५० प्रतिशत छुटको अफर सार्वजनिक गरेको छ । कम्पनीले नविकरण बीमा शुल्क भुक्तानी गर्नु पर्ने बीमालेखहरु मोहलत अवधि नाघि व्यतित भइ पुनर्जागरणको लागि यस्तो अवसर प्रदान गरेको हो ।

यसरी बीमा शुल्क भुक्तानी गर्नु पर्ने अवधिमा भुक्तानी नगरी व्यतित भएका बीमालेखहरुमा आजदेखि पुस २७ गतेसम्म नविकरण बीमा शुल्क भुक्तानी गरेमा विलम्ब शुल्कमा ५० प्रतिशत छुट पाइने कम्पनीले जनाएको छ ।

यस योजनामा समावेश भइ पुनर्जागरण भएका बीमालेखहरु पुनर्जागरण भएको २ वर्ष भित्र समर्पण गर्न आएमा प्रदान गरेको बीलम्ब शुल्क छुटको सम्पुर्ण रकम कट्टा गरिने कम्पनीले जनाएको छ ।

त्यस्तै यस भन्दा पहिले बीलम्ब छुट सुविधा प्राप्त भइ छुट प्राप्त गरिसकेका बीमितहरुलाई यस योजनामा समावेश नगरिने शर्त रहेको छ । साथै यस छुट योजनामा सहभागी भई छुट प्राप्त गर्ने बीमितहरुलाई पुरा बीमा अवधिभर पुनः व्याज छुट प्रदान गरिने छैन ।

बीमितले बीमा पोलिसी खरिद गरिसके पछि आफुले नविकल बीमा शुल्क भुक्तानी गर्नेु पर्ने समय थाहा पाउनु पर्छ । साथ साथै यस अवधिसम्ममा आफुले बुझाउनु पर्ने रकम पनि जुटाएर बस्नु पर्छ । बीमाशुल्कलाई खर्चको रुपमा नहेरी बचतको रुपमा हेर्नु पर्छ । अहिले थोपा थोपा गरेर गरिएको सञ्चित रकम भोलि पोलिसी परिपक्व भए पछि एकमुष्ठ बोनस सहित प्राप्त हुन्छ । साथै आफूलाई केहि भइहाल्यो भने परिवारले पनि आर्थिक क्षतिपुर्ती पाउछन् । यसले गर्दा नविकरण बीमा शुल्क भुक्तानी नगर्दा यि सबै सुविधाबाट बञ्चित हुनु पर्छ ।