![$adHeader[0]['title']](https://bfisnews.com/images/bigyapan/1726498142_960x100.gif)
हिमालयन रि सहित १५ कम्पनीको शेयरमा उछाल आउदा ३६.५७ अंकको सुधार
- BFIS News
- 2024 Jan Mon 15:15
काठमाडौं । हिमालयन रि सहित १५ वटा कम्पनीको शेयर मूल्यमा उछाल आउदा नेप्से सूचक ३६.५७ अंकले बढेको छ । आजदेखि दोस्रो बजारमा कारोबार सुरु भएको रि इन्स्योरेन्स कम्पनीको शेयर मूल्यमा सकारात्मक सर्किट लागेको छ । १० अर्ब चुक्ता पूँजी भएको हिमालयन रिको शेयर ३०९.२० रुपैयाँमा कारोबार सूरु भएको थियो । आजै ३०.९० रुपैयाँले बढेको कम्पनीको शेयर मूल्य ३४०.१० रुपैयाँ पुगेको छ । यसले पनि शेयर बजारलाई सुधार गर्न मद्दत पुर्याएको छ ।
आज नेप्से सूचक ३६.५७ अंकले बढेर २०५९.४९ रुपैयाँ पुगेको छ । आज २१२ वटा कम्पनीको शेयर मूल्यमा सुधार हुँदा १५ वटा कम्पनीको शेयर मूल्य ९ प्रतिशत भन्दा धेरैले बढेको छ । सूचकमा उल्लेख्य सुधार हुँदा पनि कारोबार रकम भने ४ अर्ब ६७ करोडको भएको छ ।
लगानीकर्ताहरुले व्याज र किस्ताका लागि पैसा जोहो गर्ने अवसर अझै बाँकी रहेको हुँदा केहि लगानीकर्ताले राम्रो मूल्य प्राप्त गरेका छन् । विगत तीन हप्तादेखि शेयर बजारमा लगातार गिरावट आइरहेको छ ।
शेयर गर्नुहोस
प्रतिक्रिया दिनुहोस्
सम्बन्धित समाचार
प्रतिक्रिया