बैंकिङ प्रणालीमा अत्याधिक तरलता, सिडी रेसियो हालसम्मकै तल्लो विन्दुमा झर्यो

काठमाडौं । बैंकिङ प्रणालीमा अत्याधिक तरलता थुप्रिदा सिडी रेसियो पुनः ८० प्रतिशत भन्दा तल झरेको छ । राष्ट्र बैंकका अनुसार बैंकहरुले ६० खर्ब ८५ अर्ब रुपैयाँ निक्षेप संकलन गरी ५० खर्ब ३३ अर्ब रुपैयाँ कर्जा लगानी गरेका छन् । बैंकहरु सँग १० खर्ब भन्दा बढि तरलता छ । नियम अनुसार बैंकहरुले ९० प्रतिशतसम्मको सिडि रेसियोमा कर्जा लगानी गर्न पाउछन् । 

केन्द्रीय बैंकले सहज कर्जा जाने क्षेत्र रियल स्टेट तथा मार्जिन कर्जामा नियन्त्रणात्मक कदम चाल्दै जोखिम भारित पनि बढाएको छ । त्यसैगरी ओभरड्राफ्ट कर्जामा पनि कडाइ गरिएको छ । त्यसका साथै चालु पुँजी कर्जामा पनि कर्डाइ गर्दै पुराना चुक्ता नभएसम्म नयाँ लिन नपाउने तथा व्यवसायको नगद प्रवाहका अधारमा मात्र कर्जा पाइने सीमा तोक्यो । त्यसले गर्दा पुराना ऋणीलाई नयाँ कर्जा थप गर्न भन्दा पनि पुरानै भुक्तानी गर्नुपर्ने दबाब बढेपछि कर्जा प्रवाह बढ्न सकेन ।

साथै बैंकहरुको प्राथमिक पुँजी कोष अनुपात कसिलो भएकाले समेत कर्जा विस्तार प्रभावित भएको हो । वित्तीय प्रणालीमा निक्षेप थपिने क्रम भने बढी नै रह्यो । बैंक तथा वित्तीय संस्थाले निक्षेप थपिएको अनुपातमा कर्जा लगानी विस्तार गर्न नसकेपछि अधिक तरलताको समस्या देखियो । त्यसले वित्तीय क्षेत्रको अल्पकालिन ब्याजदरलाई एक प्रतिशतको हाराहारीमा झर्यो भने कर्जा तथा निक्षेपको ब्याजदर पनि घट्न थाल्यो । ब्याजदर घट्दा समेत कर्जाको माग बढ्न नसकेपछि बैंकहरुमा कर्जा लगानी योग्य रकम थुप्रिन पुगेको हो ।

प्रतिक्रिया दिनुहोस्

सम्बन्धित समाचार

गरिब देशहरुको सहयोगका लागि विश्व बैंकको ९३ अर्ब डलरको वित्तीय प्याकेज

१० वाणिज्य बैंकले ४ महिनामै कमाए अर्ब बढी नाफा, एनआइसी एसियाको सबैभन्दा धेरै

खप्तड लघुवित्तले आईपीओ जारी गर्ने, बिक्री प्रबन्धकमा प्रभु क्यापिटल नियुक्त

तीन कम्पनीको सेयर मूल्य समायोजन

विद्युत खपत बढाउन प्राधिकरणले सुरु गर्यो अभियान

भ्याल्यू स्टक भनेको के हो, कसरी छान्ने यस्ता सेयर ?