एनआइसी एशियाले थप घटायो व्याजदर, मुद्दती निक्षेपको दर ८.०६५ %, वेस रेट पनि घट्यो

काठमाडौं । एनआइसी एशिया बैंकले निक्षेपको व्याजदर थप घटाएको छ । बैंकले पुस महिनाको भन्दा माघ महिनामा अझै घटाएको हो । बैंकले एक वर्ष अवधिको मुद्दती निक्षेपमा अधिकतम ८.०६५ प्रतिशत र संस्थागत तर्फ ६.०६५ प्रतिशत मात्रै दिने भएको छ । 

कुनै समयमा आक्रामक रुपमा व्याजदर बढाएको भन्दै एनआइसी एशियालाई अन्य बैंकहरुले रोक्न धेरै कसरत गर्नु परेको थियो । तर अहिले व्याजदर घटाउने मामिलामा पनि सबैभन्दा अगाडी देखिएको छ । बैंकिङ क्षेत्रमा बढ्दो तरलता सँगै बैंकले सम्पुर्ण निक्षेपको व्याजदर घटाएको छ । 

बैंकले तीनदेखि ६ महिना अवधिको मुद्दती निक्षेपको लागि ६.२५ प्रतिशत, ६ देखि ९ महिना अवधिको ६.७५० प्रतिशत, ९ देखि १२ महिना अवधिको ७ प्रतिशत, एक वर्ष अविधको ७.२५ प्रतिशत, १२ महिनादेखि १८ महिना अवधिको ७.५ प्रतिशत, १८ महिनादेखि २४ महिना अवधिको ७.७५० प्रतिशत र २४ महिनादेखि १८० महिना अवधिको ८.०६५ प्रतिशत मात्रै रहेको छ । यसमा संस्थागत निक्षेपको व्याजदर थप २ प्रतिशतले तल हुनेछ ।

बैंकको आधार व्याजदर पनि १०.७० प्रतिशतबाट १०.३९ प्रतिशतमा झरेको छ । बैंकले कर्जाको व्याजदर पनि घटाएको छ । आधार व्याजदरमा आइरहेको गिरावटले व्याजदरमा पनि गिरावट भइरहेको छ । 

प्रतिक्रिया दिनुहोस्

सम्बन्धित समाचार

गरिब देशहरुको सहयोगका लागि विश्व बैंकको ९३ अर्ब डलरको वित्तीय प्याकेज

१० वाणिज्य बैंकले ४ महिनामै कमाए अर्ब बढी नाफा, एनआइसी एसियाको सबैभन्दा धेरै

खप्तड लघुवित्तले आईपीओ जारी गर्ने, बिक्री प्रबन्धकमा प्रभु क्यापिटल नियुक्त

तीन कम्पनीको सेयर मूल्य समायोजन

विद्युत खपत बढाउन प्राधिकरणले सुरु गर्यो अभियान

भ्याल्यू स्टक भनेको के हो, कसरी छान्ने यस्ता सेयर ?