![$adHeader[0]['title']](https://bfisnews.com/images/bigyapan/1726498142_960x100.gif)
हिमालयन एभरेष्टको १५ प्रतिशत लाभांश घोषणा, बोनस सहित नगद पनि पाउने
- BFIS News
- 2024 Jan Wed 10:38
काठमाडौं । हिमालयन एभरेष्ट इन्स्योरेन्स कम्पनीले मर्जर पछि आकर्षक लाभांश घोषणा गरेको छ । कम्पनीले मर्जर पछि २.७५ प्रतिशत मात्रै बोनस शेयर दिएकोमा यस वर्ष ६.३७ प्रतिशत नगद सहित ८.६३ प्रतिशत बोनस शेयर पनि दिएको छ । नगद र बोनस सहित कुल १५ प्रतिशत लाभांश दिएको हो ।
हाल कम्पनीको चुक्ता पूँजी २ अर्ब ३० करोड १५ लाख ३५ हजार रुपैयाँ रहेको छ । प्रस्तावित बोनस शेयर १९ करोड ८६ लाख २२ हजार रुपैयाँ बोनस शेयर वितरण पश्चात चुक्ता पूँजी २ अर्ब ५० करोड पुग्नेछ । कम्पनीले नेपाल बीमा प्राधिकरणले निर्धारण गरेको साढे दुई अर्ब पुर्याएको हो । यसरी न्युनतम पूँजी जुटाएर कम्पनीले शेयरधनीलाई नगद लाभांश पनि दिने भएको हो ।
कम्पनीको पुस २५ गते विहान बसेको सञ्चालक समितिले उक्त लाभांश घोषणा गरेको हो । प्रस्तावित लाभांश नेपाल बीमा प्राधिकरणले स्वीकृत गरेपछि मात्रै शेयरधनीले प्राप्त गर्ने छन् ।
शेयर गर्नुहोस
प्रतिक्रिया दिनुहोस्
सम्बन्धित समाचार
प्रतिक्रिया