लक्ष्मी सनराइज बैंकका सिइओ अजय बिक्रम शाहको वार्षिक तलब सुविधा एक करोड ७२ लाख, सफल बैंकरको रुपमा स्थापित

काठमाडौं । लक्ष्मी सनराइज बैंकका प्रमुख कार्यकारी अधिकृत अजय बिक्रम शाहको वार्षिक तलब सुविधा एक करोड ७२ लाख रुपैयाँ रहेको छ । बैंकले शाहलाई गत आर्थिक वर्ष २०७९/८० मा तलब तथा भत्ता बापत एक करोड ४५ लाख रुपैयाँ उपलब्ध गराएको छ । त्यस्तै कर्मचारी बोनस सहित अन्य सुविधा बापत २७ लाख ५२ हजार रुपैयाँ प्रदान गरेको छ ।

मर्जर अगाडी साविक लक्ष्मी बैंकका प्रमुख कार्यकारी अधिकृत शाहलाई मर्जर पछि पनि निरन्तरता दिएको हो ।  बैंकको उच्च व्यवस्थापत तहमा रहेका कर्मचारीहरुलाई तलब भत्ता बापत ८ करोड २६ लाख र अन्य सुविधाहरु बापत एक करोड ५६ लाख रुपैयाँ उपलब्ध गराइएको बैंकले जनाएको छ ।

बैंकिङ क्षेत्रमा तीन दशक अनुभव हासिल गरिसकेका शाह २ दशकदेखि लक्ष्मी सनराइज बैंकमा कार्यरत छन् । बैंकले शाहलाई २०७५ कात्तिकमा प्रमुख कार्यकारी अधिकृत बनाएको थियो । लक्ष्मी बैंकको आफ्नै उत्पादन शाहलाई सञ्चालक समितिले २०७९ साउनमा दोस्रो कार्यकालका लागि निरन्तता दिने निर्णय गरेको थियो ।

पोष्ट मर्जरलाई सहजै व्यवस्थापन गर्न सफल शाहको नेतृत्वमा कोभिड लगायत कठिन समयमा पनि बैंकले छुट्टै उचाइ र पहिचान बनाएको छ । बैंकिङ क्षेत्रमा शाहलाई बौद्धिक बैंकरका रुपमा पनि हेरिन्छ । स्यान्डर्ड चार्टर्ड बैंकबाट शाहले करियरको सुरुवात गरेका हुन् । उनले त्यहाँ १० वर्ष काम गरेका थिए । उनि लक्ष्मी सनराइज बैंकमा उनी २० वर्षदेखि कार्यरत छन्, त्यसमध्ये एक कार्यकाल प्रमुख कार्यकारी अधिकृत भएर चलाइसकेका छन् । 

आज मर्जर पछि बैंकको पहिलो वार्षिक साधारणसभा हुँदैछ । साधारणसभाले यस वर्ष शेयरधनीहरुका लागि ७ प्रतिशत बोनस शेयर वितरण गर्दैछ । 

प्रतिक्रिया दिनुहोस्

सम्बन्धित समाचार

गरिब देशहरुको सहयोगका लागि विश्व बैंकको ९३ अर्ब डलरको वित्तीय प्याकेज

१० वाणिज्य बैंकले ४ महिनामै कमाए अर्ब बढी नाफा, एनआइसी एसियाको सबैभन्दा धेरै

खप्तड लघुवित्तले आईपीओ जारी गर्ने, बिक्री प्रबन्धकमा प्रभु क्यापिटल नियुक्त

तीन कम्पनीको सेयर मूल्य समायोजन

विद्युत खपत बढाउन प्राधिकरणले सुरु गर्यो अभियान

भ्याल्यू स्टक भनेको के हो, कसरी छान्ने यस्ता सेयर ?