लुम्बिनी विकास बैंकका सिइओ नरेश सिंह बोहराको वार्षिक तलब सुविधा एक करोड २० लाख

काठमाडौं । लुम्बिनी विकास बैंकका प्रमुख कार्यकारी अधिकृत नरेश सिंह बोहोराको वार्षिक तलब सुविधा एक करोड २० लाख रुपैयाँ रहेको छ । बैंकले गत आर्थिक वर्ष २०७९/८० मा बोहरालाई पारिश्रमिक बापत ८० लाख, नियम अनुसार बोनस बापत २५ लाख एक हजार, संचयकोष बापत ५ लाख ८० हजार, दशै भत्ता ५ लाख, अन्य भत्ता ५ लाख सहित कुल एक करोड २० लाख ८१ हजार रुपैयाँ उपलब्ध गराएको छ ।

सिइओ बोहराले लुम्बिनी विकास बैंकमा दोस्रो कार्यकाल सम्हालिरहेका छन् । उनि २०७५ साउन २ गते लुम्बिनीको सिइओ बनेका थिए । पहिलो कार्यकाल सफलतापुर्वक सम्पन्न गरे सँगै बैंकले उनलाई २०७९ साउन २ गते दोस्रो कार्यकालको जिम्मेवारी दिएको हो । 

भारतबाट एमबिए गरेका बोहराले नेपाल बंगलादेश बैंकबाट बैंकिङ करिअर सुरु गरेका थिए ।  उनिले नेशनल नारायणी फाइनान्समा पनि प्रमुख कार्यकारी अधिकृतको जिम्मेवारी पुरा गर्नुका साथै सनराइज बैंकको डेपुटी सीइओको अनुभव समेत संगालि सकेका छन् । उनि सँग बैंकिङ क्षेत्रमा २५ वर्ष भन्दा लामो अनुभव भइसकेको छ ।

त्यस्तै बैंकका वरिष्ठ नायव प्रमुख कार्यकारी अधिकृतलाई तलब, भत्ता, बोनस लगायतको सेवा सुविधा सहित ५७ लाख ९२ हजार रुपैयाँ प्रदान गरेको छ । दुई नायव प्रमुख कार्यकारी अधिकृतले यस्तो तलब भत्ता तथा सेवा सुविधा बापत ८० लाख ४ हजार रुपैयाँ प्राप्त गरेका छन् । बैंकले आजै १६ औं वार्षिक साधारणसा सम्पन्न गरेको छ । बैंकले ४.५० प्रतिशत नगद र ४ प्रतिशत बोनस शेयर सहित कुल ८.५० प्रतिशत लाभांश प्रदान गरेको छ ।

प्रतिक्रिया दिनुहोस्

सम्बन्धित समाचार

गरिब देशहरुको सहयोगका लागि विश्व बैंकको ९३ अर्ब डलरको वित्तीय प्याकेज

१० वाणिज्य बैंकले ४ महिनामै कमाए अर्ब बढी नाफा, एनआइसी एसियाको सबैभन्दा धेरै

खप्तड लघुवित्तले आईपीओ जारी गर्ने, बिक्री प्रबन्धकमा प्रभु क्यापिटल नियुक्त

तीन कम्पनीको सेयर मूल्य समायोजन

विद्युत खपत बढाउन प्राधिकरणले सुरु गर्यो अभियान

भ्याल्यू स्टक भनेको के हो, कसरी छान्ने यस्ता सेयर ?