राष्ट्रिय बाणिज्य बैंकका सिइओ किरण कुमार श्रेष्ठको वार्षिक तलब सुविधा ६६ लाख ४ हजार

काठमाडौं । राष्ट्रिय बाणिज्य बैंकका प्रमुख कार्यकारी अधिकृत किरण कुमार श्रेष्ठको वार्षिक तलब सुविधा ६६ लाख ४ हजार रुपैयाँ रहेको छ । श्रेष्ठले गत आर्थिक वर्ष २०७९/८० मा तलब बापत ३१ लाख २० हजार रुपैयाँ प्राप्त गरेका छन् । बैंकले उनलाई तलब बाहेक १७ लाख १६ हजार रुपैयाँ भत्ता उपलब्ध गराएको छ ।

उनले चाडपर्व खर्च बापत २ लाख ६० हजार, संचयकोष योगदान ३ लाख १२ हजार, सञ्चित विदा बापत भुक्तानी एक लाख ९५ हजार र नियम अनुसार ९ लाख ८५ हजार ५९१ रुपैयाँ बोनस सहित ६६ लाख ४ हजार रुपैयाँ प्राप्त गरेको बैंकले जनाएको छ । उच्च व्यवस्थापन तहमा रहेका ७ जनाले यस्तो तलब सुविधा बापत एक करोड ६१ लाख ८२ हजार रुपैयाँ प्राप्त गरेका छन् ।

गत आर्थिक वर्षमा सञ्चालक समितिका पदाधिकारीहरुले भत्ता लागयतका सुविधा बापत २३ लाख १७ हजार रुपैयाँ बुझेका छन् ।

नेपाल बैंकमा २७ वर्ष बिताएका उनी ८ वर्ष अगाडी ५७ वर्षको उमेरमा वाणिज्य बैंकको नेतृत्व गर्न आइपुगेका थिए । पहिलो कार्यकाल सफलतापुर्व सम्पन्न गरे सँगै सरकारले उनलाई दोस्रो कार्यकालको जिम्मेवारी दिएको थियो । उनको दोस्रो कार्यकाल पनि यहि चैतमा सकिदैछ ।

उनि राष्ट्रिय बाणिज्य बैंकमा प्रवेश गर्दा बैंकका केही सूचक ऋणात्मक थिए, बैंकको गति सुस्त र परम्परागत थियो । उनि बैंकमा प्रवेश गर्दा राष्ट्रिय बाणिज्य बैंकको मुनाफा २ अर्ब ३० करोड थियो । उनले आफ्नो कार्यकालमा बैंकको मुनाफा ५ अर्ब भन्दा माथि पुर्याए । गत आर्थिक वर्षमा कोभिड १९ को प्रभावले गर्दा कर्जाम देखिएको समस्याले गर्दा नाफा ३ अर्ब ५९ करोडमा खुम्चिएको छ ।  

परम्परागत शैली अंगालेको सरकारी बैंकले श्रेष्ठको नेतृत्वमा वित्तीय सूचकदेखि उपस्थितिसम्ममा गुणात्मक फड्को मारेको छ। अन्य बाणिज्य बैंकहरु एक आपसमा मर्जरमा जानु भन्दा अगाडीसम्म पनि बाणिज्य बैंक मुनाफामा सर्वाधिक अगाडी थियो ।

सिइओ श्रेष्ठले आफ्नो दुई कार्यकालमा बाणिज्य बैंकलाई ढड्डाबाट एका एक डिजिटल युगमा प्रवेश गराए । यतिमात्रै होइन सरकारी बैंकबाट सेवा सुविधा लिन गाह्रो छ भन्ने कथनलाई गलत सावित गर्दै बाणिज्य बैंक पनि अन्य बैंक भन्दा कम छैन भन्ने प्रमाणित गरिदिए ।

परम्परागत बैंकबाट कर्पोरेट बैंकिङम रुपमान्तरण गरिदिएका श्रेष्ठले वर्किङ कल्चरमा व्यापक परिवर्तन गरिदिएका छन् । उनको कार्यकालमा बैंकले धेरै संख्यामा युव जनशक्ति प्राप्त गर्यो जसले बैंकलाई युवा वर्गमा काम गर्न र प्रतिस्पर्धी बनाउन ठुलो मद्दत पुर्यायो ।

प्रतिक्रिया दिनुहोस्

सम्बन्धित समाचार

गरिब देशहरुको सहयोगका लागि विश्व बैंकको ९३ अर्ब डलरको वित्तीय प्याकेज

१० वाणिज्य बैंकले ४ महिनामै कमाए अर्ब बढी नाफा, एनआइसी एसियाको सबैभन्दा धेरै

खप्तड लघुवित्तले आईपीओ जारी गर्ने, बिक्री प्रबन्धकमा प्रभु क्यापिटल नियुक्त

तीन कम्पनीको सेयर मूल्य समायोजन

विद्युत खपत बढाउन प्राधिकरणले सुरु गर्यो अभियान

भ्याल्यू स्टक भनेको के हो, कसरी छान्ने यस्ता सेयर ?