बैंकिङ तरलता थुप्रिदै गए पछि झन् घट्यो व्याजदर, औषत व्याजदर ८.१७ प्रतिशतमा झर्यो

काठमाडौं । बैंकिङ प्रणालीमा कर्जा थुप्रिदै गए पछि बैंकहरुले हरेक महिना निक्षेपको व्याजदर घटाउन थालेका छन् । निक्षेपको तुलनामा कर्जा विस्तार हुन नसक्दा प्रणालीमा अधिक तरलता थुप्रिन थालेको छ । बढ्दो तरलता सँगै बैंकहरुले सस्तो दरमा निक्षेप पाउन थाले पछि व्याजदर घटाउने होडबाजी चलेको छ ।

माघ महिनाका लागि बैंकहरुले सार्वजनिक गरेको व्याजदरमा सबैले कुन न कै पोर्टफेलियमा व्याजदर घटाएका छन् । मुद्दती निक्षेप तर्फ सर्वाधिक व्याजदर सिटिजन बैंकको ९.१५ प्रतिशत रहेको छ । यस महिनाबाट सबै बैंकको अधिकतम व्याजदर एकल अंकमा झरेको छ ।

मुद्दती निक्षेप तर्फ औषत व्याजदर एक महिनामै ०.८२ प्रतिशत विन्दुले घटेर ८.१७ प्रतिशतमा झरेको छ । त्यस्तै संस्थागत गत तर्फ पनि ०.७६ प्रतिशतले विन्दुले घटेर ६.१२ प्रतिशतमा झरेको छ । पुस महिनामा व्यक्तिगत तर्फ औषत व्याजदर ८.९९ प्रतिशत थियो भने संस्थागत तर्फ ६.८९ प्रतिशत थियो ।

यस सँगै आगामी महिनादेखि बैंकहरुले प्रवाह गर्ने कर्जाको व्याजदर पनि औषतमै एकल अंकमा झर्ने देखिएको छ । पुस माघ महिनादेखि बैंकमा कर्जाको अधिक माग हुने गर्छ तर यस वर्ष खासै माग छैन । आर्थिक मन्दीको निरन्तरता र अझै पनि नयाँ व्यवसायमा लगानीकर्ताको कन्फिडेन्स बढ्न सकेको छैन ।

स्वेदशमा बसेर केहि गर्छु भन्ने भन्दा पनि विदेशमै जान खोज्ने युवाहरुको जोडबलले पनि कर्जाको माग सिर्जना हुन सकेको छैन । भइरहेको व्यवसायलाई नै टिकाउने रणनीतिमा रहेका व्यवसायीले नयाँ व्यवसायको तथा क्षमता बढाउने कुनै पनि योजना बनाएका छैनन् । यसले पनि कर्जाको माग अझै केहि समय हुने देखिदैन ।

प्रतिक्रिया दिनुहोस्

सम्बन्धित समाचार

गरिब देशहरुको सहयोगका लागि विश्व बैंकको ९३ अर्ब डलरको वित्तीय प्याकेज

१० वाणिज्य बैंकले ४ महिनामै कमाए अर्ब बढी नाफा, एनआइसी एसियाको सबैभन्दा धेरै

खप्तड लघुवित्तले आईपीओ जारी गर्ने, बिक्री प्रबन्धकमा प्रभु क्यापिटल नियुक्त

तीन कम्पनीको सेयर मूल्य समायोजन

विद्युत खपत बढाउन प्राधिकरणले सुरु गर्यो अभियान

भ्याल्यू स्टक भनेको के हो, कसरी छान्ने यस्ता सेयर ?