महालक्ष्मी विकास बैंकका सिइओ बोधराज देवकोटाले कार्यकाल बाँकी छदै दिए राजिनामा

काठमाडौं । महालक्ष्मी विकास बैंकका प्रमुख कार्यकारी अधिकृत बोधराज देवकोटाले कार्यकाल बाँकी छदै पदबाट राजिनामा दिएका छन् । देवकोटाले माघ एक गतेदेखि लागु हुने गरी व्यक्तिगत कारण देखाएर पदबाट राजिनामा दिएको बैंकले जनाएको छ । 

देवकोटा २०७७ साल चैतमा प्रमुख कार्यकारी अधिकृत भएका थिए । उनको कार्यकाल २०८१ चैतसम्म रहेको थियो । तर उनले एक वर्ष तीन महिना अगाडी नै बैंकबाट बाहिरिएका छन् । 

सिटिजन्स बैंकमा उनले झण्डै ११ महिना डेपुटी सीईओको रुपमा काम गरेर उनि महालक्ष्मी प्रवेश गरेका थिए । देवकोटाले काठमाडौँ विश्व विद्यालयबाट वित्त व्यवस्थापनमा एमफिल गरेका छन् । त्यस्तै त्रिभुवन विश्व विद्यालयबाट वित्त व्यवस्थापन विषयमा स्नातकोत्तरसम्मको अध्ययन पूरा गरेका छन् । उनि डेभलपमेण्ट बैँकर्स एशोसिएसन नेपालको उपाध्यक्ष समेत हुन् । उनले छाडेर आएको सिटिजन बैंकले खुला प्रतिस्पर्धाबाट डेपुटी सिइओको लागि दरखास्त आह्वान गरेको छ । 

प्रतिक्रिया दिनुहोस्

सम्बन्धित समाचार

गरिब देशहरुको सहयोगका लागि विश्व बैंकको ९३ अर्ब डलरको वित्तीय प्याकेज

१० वाणिज्य बैंकले ४ महिनामै कमाए अर्ब बढी नाफा, एनआइसी एसियाको सबैभन्दा धेरै

खप्तड लघुवित्तले आईपीओ जारी गर्ने, बिक्री प्रबन्धकमा प्रभु क्यापिटल नियुक्त

तीन कम्पनीको सेयर मूल्य समायोजन

विद्युत खपत बढाउन प्राधिकरणले सुरु गर्यो अभियान

भ्याल्यू स्टक भनेको के हो, कसरी छान्ने यस्ता सेयर ?