![$adHeader[0]['title']](https://bfisnews.com/images/bigyapan/1726498142_960x100.gif)
एनएलजी इन्स्योरन्सको लाभांश घोषणा, बोनस शेयर र हकप्रद पछि चुक्ता पूँजी २ अर्ब ५० करोड पुग्ने
- BFIS News
- 2024 Jan Sun 12:53
काठमाडौं । एनएलजी इन्स्योरेन्स कम्पनीले गत आर्थिक वर्षको मुनाफाबाट ५.५ प्रतिशत बोनस शेयर दिने प्रस्ताव गरेको छ । कम्पनीले अहिलेसम्मकै कम लाभांश घोषणा गरेको छ ।
कम्पनीले घोषणा गरेको लाभांश नेपाल बीमा प्राधिकरणबाट स्वीकृत भए पछि वार्षिक साधारणसभा आह्वान गर्नेछ । साधारणसभाले लाभांश पारित गरेपछि मात्रै शेयरधनीले पाउने छन् ।
कम्पनीको चुक्ता पूँजी एक अर्ब ४५ करोड रहेको छ । प्रस्तावित बोनस शेयर वितरण पछि कम्पनीको चुक्ता पूँजी एक अर्ब ५३ करोड पुग्ने छ । कम्पनीले ६६ प्रतिशत हकप्रद शेयर निष्काशन गर्ने प्रकृयाँ अगाडी बढाएको छ । हकप्रद शेयर निष्काशनको लागि अनुमति नआइसकेकाले प्रस्तावित लाभांश हकप्रद शेयरधनीले पाउने छैनन् ।
कम्पनीले गत असारमा सम्पन्न गरेको साधारणसभाले हकप्रद शेयर निष्काशनको प्रस्ताव पारित गरेको थियो । हकप्रद शेयर निष्काशनको लागि नेपाल धितोपत्र बोर्डमा आवेदन दिए पनि अहिलेसम्म अनुमति पाउन भने सकेको छैन । बोर्डमा कम्पनीले हाल कायम पूँजीकै आधारमा ९६ लाख ३१ हजार कित्ता शेयर जारी गर्दैछ । यस पछि भने कम्पनीको चुक्ता पूँजी २ अर्ब ५० करोड पुग्नेछ ।
शेयर गर्नुहोस
प्रतिक्रिया दिनुहोस्
सम्बन्धित समाचार
प्रतिक्रिया