![$adHeader[0]['title']](https://bfisnews.com/images/bigyapan/1726498142_960x100.gif)
हाइड्रोपावरको पहिलो बीमा गर्ने आइजिआइ प्रुडेन्सियल सम्मानित
- BFIS News
- 2024 Jan Fri 05:21
काठमाडौं । स्वतन्त्र उर्जा उत्पादक संघ 'इपान'ले हाइड्रोपावरको पहिलो बीमा गर्ने आइजिआइ प्रुडेन्सियल इन्सोरेन्स कम्पनीलाई सम्मानित गरेको छ । साविक एनबी इन्स्योरेन्स कम्पनीले निजी स्तरको जलविद्युत आयोजनाको पहिलो बीमा गरेको थियो ।
जतिवेला नेपालमा हाइड्रोपावरको बीमा गर्ने अभ्यास थिएन । सरकारी आयोजना तथा सरकारी बीमा कम्पनीको हिसावले राष्ट्रिय बीमा कम्पनीले जलविद्युतको बीमा गरेको थियो । यस भन्दा अगाडी विदेशी बीमा कम्पनीहरुले जलविद्युत आयोजनाको सिधै बीमा गर्ने गरेका थिए । नेपाली बीमा कम्पनीहरुको यस क्षेत्रमा अनुभव नहुँदा विदेशी बीमा कम्पनीहरु सँग सिधै सम्पर्क गरेर बीमा गर्ने गरिएको बीमा विज्ञ भोजराज शर्माले जानकारी दिए ।
उनका अनुसार नेपालमा जलविद्युत आयोजनाको बीमा गर्दा पनि विदेशबाट विज्ञहरु झिकाएर जोखिमको मूल्याङ्कन गरेर बीमा गरिएको थियो । नेपाली बीमा कम्पनीहरुको क्षमता नहुँदा कतिपय बीमा विदेशी बीमा कम्पनीहरु मार्फत नै गर्नु पर्ने अवस्था थियो । आजको दिनमा नेपाली बीमा कम्पनीहरु धेरै जसो जोखिम बहन गर्न सक्ने सामर्थ्य राख्छन् ।
यसरी निजी क्षेत्रका जलविद्युत आयोजनाको पहिलो पटक बीमाको शुरुवात गरेको भन्दै इपानले २४ औँ बार्षिकोत्सवको अवसरमा आइजिआइ प्रुडेन्सियल कम्पनीलाई सम्मान गरेको हो ।
शेयर गर्नुहोस
प्रतिक्रिया दिनुहोस्
सम्बन्धित समाचार
प्रतिक्रिया