माछापुच्छ्रे बैंकको मुनाफा २१.४५ प्रतिशतले घट्यो, खराव कर्जा बढ्दा वितरण योग्य मुनाफा ऋणात्मक देखियो

काठमाडौं । चालु आर्थिक वर्ष २०८०/८१ को पहिलो त्रैमाशिक अवधिमा माछापुच्छ्रे बैंकको मुनाफा २१.४५ प्रतिशतले घटेको छ । बैंकले पुस मसान्तसम्ममा ८० करोड ५३ लाख रुपैयाँ खुद नाफा आर्जन गरेको छ जवकी गत वर्षको यहि अवधिमा १ अर्ब २ करोड रुपैयाँ खुद नाफा आर्जन गरेको थियो । 

बैंकको व्याज आम्दानीमै गिरावट आउदा खुद व्याज आम्दानी र सञ्चालन मुनाफा घटेको छ । समीक्षा अवधिमा बैंकको खुद ब्याज आम्दानी ५.५६ प्रतिशत घटेको छ भने खुद फि तथा कमिशन आम्दानी ६.५५ प्रतिशत घटेको छ। त्यसैगरी, बैंकको कुल सञ्चालन आम्दानी समीक्षा अवधिमा ६.६७ प्रतिशत घटेको छ भने सञ्चालन मुनाफा १३.१९ प्रतिशत घटेको छ।

पुस मसान्तसम्ममा बैंकको वितरणयोग्य मुनाफा २४ करोड ६९ लाख रुपैयाँ ऋणात्मक रहको छ भने प्रतिशेयर वितरणयोग्य मुनाफा ४ रुपैयाँ २५ पैसा ऋणात्मक रहेको छ।

बैंकले समिक्षा अवधिमा बैंकले १ खर्ब ५२ अर्ब ४८ करोड रुपैयाँ निक्षेप संकलन गरी १ खर्ब २९ अर्ब ९१ करोड रुपैयाँ कर्जा लगानी गरेको छ। मुनाफामा गिरावट सँगै बैंकको प्रतिशेयर आम्दानी पनि घटेको छ। समीक्षा अवधिमा बैंकको यस्तो आम्दानी ६ रुपैयाँ १३ पैसा घटेर १३ रुपैयाँ ८६ पैसामा झरेको छ। त्यसैगरी, पुस मसान्तसम्ममा कम्पनीको मूल्य आम्दानी अनुपात १४.६५ गुणा रहेको छ भने प्रतिशेयर नेटवर्थ १४५ रुपैयाँ रहेको छ। खराव कर्जा १.४१ प्रतिशतबाट २.६२ प्रतिशत पुगेको छ । 

प्रतिक्रिया दिनुहोस्

सम्बन्धित समाचार

गरिब देशहरुको सहयोगका लागि विश्व बैंकको ९३ अर्ब डलरको वित्तीय प्याकेज

१० वाणिज्य बैंकले ४ महिनामै कमाए अर्ब बढी नाफा, एनआइसी एसियाको सबैभन्दा धेरै

खप्तड लघुवित्तले आईपीओ जारी गर्ने, बिक्री प्रबन्धकमा प्रभु क्यापिटल नियुक्त

तीन कम्पनीको सेयर मूल्य समायोजन

विद्युत खपत बढाउन प्राधिकरणले सुरु गर्यो अभियान

भ्याल्यू स्टक भनेको के हो, कसरी छान्ने यस्ता सेयर ?