दुर्गा प्रसाइलाई राष्ट्र बैंकको भिडियो काउन्टर, हल्लाको भरमा कर्जा नतिर्ने काम नगर्न भिडियो सन्देश

काठमाडौं । नेपाल राष्ट्र बैंकले पछिल्लो समय दुर्गा प्रसाइ जस्ता व्यक्तिहरुले बजारमा बैंकको कर्जा तिर्नु हुँदैन भनेर चलाएका हल्लालाई चिर्दै भिडियो सन्देश निर्माण गरेको छ ।

प्रसाइले पुर्वका जिल्लामा ऋणीहरुलाई कर्जा भुक्तानी नगर्नु भन्दै ह्वीव जारी गर्नुका साथै बैंकका कर्मचारीलाई कुटपिट गर्ने जस्ता अराजक कामको नेतृत्व नै लिए । यहि हल्लाको भरमा उनले गएको मंसिरमा शक्ति प्रदर्शन नै गरे । तर उनको शक्ति प्रदर्शन असफल भयो ।

यहि हल्लाको पछाडी लाग्ने कयौ ऋणीको घरजग्गा लिलाम हुने अवस्थामा पुगेका छन् । यसै सन्दर्भलाई संकेत गर्दै राष्ट्र बैंकले भिडियो सन्देश नै निर्माण गरेको छ । जसरी चिया पसलमा यस्ता हल्ला हुन्छन् त्यसरी नै कलाकारको प्रयोग गरेर स्थानीय स्तरमा हुने कुराकानीलाई भिडियो मार्फत सन्देशन दिन खोजिएको छ ।

भिडियो सन्देशन मार्फत राष्ट्र बैंकले हल्लाको भरमा कर्जाको सावा व्याज भुक्तानी नगर्ने काम नगर्न अनुरोध समेत गरेको छ । बैंक वित्तीइ संस्थाले पनि अरु कसैको बचत गरेको रकम ऋण स्वरुप व्यवसाय गर्ने मौका लिएको हुँदा यस्तो मौकालाई दुरुपयोग गर्न नहुने राष्ट्र बैंकले जनाएको छ । अरुको बचतलाई कर्जा मार्फत व्यवसाय गर्न दिएको मौकालाई अवसरको रुपमा हेरर कर्जा भुक्तानी नगर्दा निषेप कर्ताको बचत नै डुब्न सक्ने राष्ट्र बैकको भनाइ छ ।

यदि अहिले आफुले तिरेको ऋण तिरेन भने भोलिका दिनमा आफुले जस्तै अरुले पनि कर्जा नपाउने राष्ट्र बैंकको तर्क छ । ऋणीहरुले कर्जा लिदा विभिन्न सर्तहरुमा हस्ताक्षर गरेर लिने हुँदा यो भोलिका दिनमा कानुनी तथा नैतिक दायित्व बन्द पुग्दछ । यदि आफुले लिएको कर्जा बहकाउमा राखेर तिरिएन भने भोलि घरजग्गा नै लिलाम हुन सक्ने अवस्था आउछ ।

हल्लाको भरमा ऋण नतिरेर कतिको घरजग्गा लिलाम भएको छ भने कतिको नाम कालो सूचीमा परेको भिडियो सन्देशमा उल्लेख गरेको छ ।

प्रतिक्रिया दिनुहोस्

सम्बन्धित समाचार

गरिब देशहरुको सहयोगका लागि विश्व बैंकको ९३ अर्ब डलरको वित्तीय प्याकेज

१० वाणिज्य बैंकले ४ महिनामै कमाए अर्ब बढी नाफा, एनआइसी एसियाको सबैभन्दा धेरै

खप्तड लघुवित्तले आईपीओ जारी गर्ने, बिक्री प्रबन्धकमा प्रभु क्यापिटल नियुक्त

तीन कम्पनीको सेयर मूल्य समायोजन

विद्युत खपत बढाउन प्राधिकरणले सुरु गर्यो अभियान

भ्याल्यू स्टक भनेको के हो, कसरी छान्ने यस्ता सेयर ?