लामो समयसम्म सिइओ नहुनुको असर नेपाल बैंकमा, रिकभरी र कर्जा विस्तारमा समस्या देखिदा नाफा घट्यो

काठमाडौं । लामो समयसम्म प्रमुख कार्यकारी अधिकृत नहुनुको प्रभाव नेपाल बैंकको कर्जा प्रवाह र रिकभरीम देखिएको छ । गएको असोज १४ गतेदेखि बैंक प्रमुख कार्यकारी अधिकृत विहिन थियो । कृष्ण बहादुर अधिकारी बाहिरिएको ३ महिना पछि मात्रै तीलक राज पाण्डे नियुक्त भए ।

यसरी लामो समयसम्म नेतृत्व नहुँदा बैंकको कर्जा विस्तार १.६८ प्रतिशतले मात्रै भएको छ भने खराव कर्जा ४.५ प्रतिशत पुगेको छ । यसरी कर्जा विस्तार रोकिनुका साथै खराव कर्जा पनि बढ्दा बैंकको मुनाफा ४९.६५ प्रतिशतले घटेको छ । जवकी बैंकको खुद व्याज आम्दानी २० प्रतिशतले बढेको छ ।

बैंकले चालु आर्थिक वर्षको पहिलो ६ महिनामा ५९ करोड रुपैयाँ मुनाफा आर्जन गरेको छ । गत वर्षको यहि अवधिमा एक अर्ब १७ करोड थियो । बैंकले ६ महिनामा ४ अर्ब ६३ करोड रुपैयाँ खुद व्याज आम्दानी गरेको छ । गत वर्षको यहि अवधिम ३ अर्ब ८४ करोड थियो । बैंकको खराव कर्जा ४.५ प्रतिशत पुग्दा २ अर्ब ७ करोडको इम्पेरियल चार्ज लगाउनु परेको छ । यस सँगै बैंकको सञ्चालन मुनाफा घटेको हो ।

प्रतिशेयर आम्दानी १३ रुपैयाँमा झरेको छ । सिडि रेसियो ७२.६२ प्रतिशतमा झर्दा बैंकमा अधिकत तरलता देखिएको छ । बैंकले ६ महिनाको अवधिमा १.६८ प्रतिशतले मात्रै कर्जा विस्तार गरेको छ । समिक्षा अवधिमा बैंकले २ खर्ब ५८ अर्ब रुपैयाँ निक्षेप संकलन गरि एक खर्ब ८१ अर्ब रुपैयाँ मात्रै कर्जा लगानी गरेको छ ।

प्रतिक्रिया दिनुहोस्

सम्बन्धित समाचार

गरिब देशहरुको सहयोगका लागि विश्व बैंकको ९३ अर्ब डलरको वित्तीय प्याकेज

१० वाणिज्य बैंकले ४ महिनामै कमाए अर्ब बढी नाफा, एनआइसी एसियाको सबैभन्दा धेरै

खप्तड लघुवित्तले आईपीओ जारी गर्ने, बिक्री प्रबन्धकमा प्रभु क्यापिटल नियुक्त

तीन कम्पनीको सेयर मूल्य समायोजन

विद्युत खपत बढाउन प्राधिकरणले सुरु गर्यो अभियान

भ्याल्यू स्टक भनेको के हो, कसरी छान्ने यस्ता सेयर ?