बाणिज्य बैंकहरुको मुनाफा १० प्रतिशतले घट्यो, ६ महिनामा २८ अर्ब ७६ करोड आर्जन हुँदा नविलको सर्वाधिक : कसको कति?

काठमाडौं । चालु आर्थिक वर्षको पहिलो ६ महिनामा बाणिज्य बैंकहरुको मुनाफा १० प्रतिशतले खुम्चिएको छ । नाफामा मात्रै खुम्चिएको छैन अधिकाम्स बैंकहरु यहि अवस्थामा लाभांश समेत दिन नसक्ने अवस्थामा पुगेका छन् । खराव कर्जा सँगै प्रोभिजनिङ गर्नु पर्दा मुनाफा खुम्चिएको हो ।

चालु आर्थिक वर्षको दोस्रो त्रैमाशिक अवधिमा २० बाणिज्य बैंकहरुले २८ अर्ब ७६ करोड रुपैयाँ मुनाफा आर्जन गरेका छन् । गत वर्षको यहि अवधिमा सम्बन्धित बैंकहरुले ३१ अर्ब ९४ करोड आर्जन गरेका थिए । मर्जर पछि बैंकहरुको मुनाफा भने थप खुम्चिएको छ । मर्जर पछि मुनाफा बढ्नु पर्नेमा उल्टै घटेको छ ।

समिक्षा अवधिमा सर्वाधिक धेरै नविल बैंकले तीन अर्ब २० करोड मुनाफा आर्जन गरेको छ । जवकी बैंकले गत वर्षको यहि अवधिमा ३ अर्ब ४१ करोड मुनाफा आर्जन गरेको थियोफ । यो मुनाफा गत वर्षको तुलनामा ६.२८ प्रतिशतले घटेको हो ।

त्यस्तै दोस्रो धेरै मुनाफा प्राइम बैंकको रहेको छ । प्राइमले दोस्रो त्रैमाशिक अवधिमा २ अर्ब १८ करोड मुनाफा आर्जन गरेको छ । बैंकले गएको वर्षको तुलनामा ३२ प्रतिशतले बढाउन सफल भएको छ । यस वर्ष सर्वाधिक धेरै मुनाफा बढाउने एक मात्रै बैंक प्राइम मात्रै हो ।

तेस्रो धेरै मुनाफा ग्लोबल आइएमई बैंकको २ अर्ब ४ करोड रहेको छ । बैंकको मुनाफा गत वर्षको तुलनामा २६ प्रतिशतले घटेको हो । चौथो नम्बरमा रहेको राष्ट्रिय बाणिज्य बैंकको मुनाफा २६ प्रतिशतले खुम्चिएर २ अर्ब एक करोडमा सिमित भएको छ ।

यस वर्ष एनआइसी एशियाको मुनाफा ४१ प्रतिशतले घटेर एक अर्ब ९० करोडमा झरेको छ । अन्य बैंकहरु मर्जरमा गएर फाइदा लिदै गर्दा एनआइसी एशिया एक्लै हिड्नुको परिणाम वित्तीय विवरणमा देखिएको छ । गएका वर्षमा अन्य बाणिज्य बैंकहरुलाई टक्कर दिएको बैंक यस वर्षदेखि थला परेको छ ।

पहिलो त्रैमाशिक अवधिमा सर्वाधिक धेरै मुनाफा आर्जन गरेको नेपाल इन्भेष्टमेन्ट दोस्रो त्रैमाशिक अवधिमा भने छैठौ नम्बरमा रहदै एक अर्ब ८० करोड आर्जन गरेको छ । यस वर्ष हिमालयन बैंकले सर्वाधिक धेरै प्रतिशतले मुनाफा बृद्धि गरेको छ । त्यस्तै एभरेष्ट बैंकले पनि मुनाफा बढाउन सफल देखिएको छ ।

प्रतिक्रिया दिनुहोस्

सम्बन्धित समाचार

गरिब देशहरुको सहयोगका लागि विश्व बैंकको ९३ अर्ब डलरको वित्तीय प्याकेज

१० वाणिज्य बैंकले ४ महिनामै कमाए अर्ब बढी नाफा, एनआइसी एसियाको सबैभन्दा धेरै

खप्तड लघुवित्तले आईपीओ जारी गर्ने, बिक्री प्रबन्धकमा प्रभु क्यापिटल नियुक्त

तीन कम्पनीको सेयर मूल्य समायोजन

विद्युत खपत बढाउन प्राधिकरणले सुरु गर्यो अभियान

भ्याल्यू स्टक भनेको के हो, कसरी छान्ने यस्ता सेयर ?