सिद्धार्थ बैंक जटिल आर्थिक अवस्थामा पनि खराव कर्जालाई व्यवस्थापन गर्न सफल, एक अर्ब १६ करोड मुनाफा

काठमाडौं । सिद्धार्थ बैंकले जटिल आर्थिक अवस्थामा पनि बैंकिङ कारोबारलाई संयमित राख्दै एक अर्ब १३ करोड रुपैयाँ मुनाफा आर्जन गर्न सफल देखिएको छ । बाणिज्य बैंकहरुको औषत मुनाफाको बृद्धिदर १० प्रतिशतले घट्दा बैंकको भने २.१० प्रतिशतले मात्रै घटेको छ । बैंकले गत वर्षको यहि अवधिमा १ अर्ब १६ करोड रुपैयाँ मुनाफा आर्जन गरेको थियो । 

बैंकको खुद व्याज आम्दानी २.१४ प्रतिशतले बढेर ४ अर्ब १० करोड रुपैयाँ पुगेको छ । सञ्चालन नाफा १ अर्ब ६५ करोडबाट घटेर १ अर्ब ६५ करोड रुपैयाँ कायम भएको छ । यसको इम्पेयरमेन्ट चार्ज १ अर्ब १८ करोड रहेको छ । सञ्चालन नाफामा सामान्य गिरावट आउदा नाफा प्रभावित भएको हो । यसको वितरणयोग्य नाफा भने ऋणात्मक छ ।   

सिद्धार्थको खराब कर्जा दर २.८७ प्रतिशत विन्दुबाट घटेर २.५६ प्रतिशतमा झरेको छ । हाल यस बैंकको चुक्ता पुँजी १४ अर्ब ८ करोड ९९ लाख रुपैयाँ रहेको छ । जगेडा कोषमा ११ अर्ब ९६ करोड रुपैयाँ जम्मा रहेको छ । यस बैंकको प्रतिसेयर आम्दानी ३५ पैसाले घटेर १६ रुपैयाँ १८ पैसा कायम भएको छ । यसको प्रतिसेयर नेटवर्थ भने १८२ रुपैयाँ ७८ पैसा रहेको छ ।

खराव कर्जालाई नियन्त्रण गरेको बैंकले समिक्षा अवधिमा २ खर्ब २१ अर्ब रुपैयाँ निक्षेप परिचालन गरि एक खर्ब ९० अर्ब रुपैयाँ कर्जा लगानी गरेको छ । 

प्रतिक्रिया दिनुहोस्

सम्बन्धित समाचार

गरिब देशहरुको सहयोगका लागि विश्व बैंकको ९३ अर्ब डलरको वित्तीय प्याकेज

१० वाणिज्य बैंकले ४ महिनामै कमाए अर्ब बढी नाफा, एनआइसी एसियाको सबैभन्दा धेरै

खप्तड लघुवित्तले आईपीओ जारी गर्ने, बिक्री प्रबन्धकमा प्रभु क्यापिटल नियुक्त

तीन कम्पनीको सेयर मूल्य समायोजन

विद्युत खपत बढाउन प्राधिकरणले सुरु गर्यो अभियान

भ्याल्यू स्टक भनेको के हो, कसरी छान्ने यस्ता सेयर ?