बैंकिङ प्रणालीमा अधिक तरलता, तीन दिनमा राष्ट्र बैंकले बजारबाट ७० अर्ब तान्दै

काठमाडौं । बैंकिङ प्रणालीमा अधिक तरलता थुप्रिदै गए पछि राष्ट्र बैंकले बजारबाट पैसा तानिरहेको छ । गएका दुई दिनमा बजारबाट ५० अर्ब तानेको राष्ट्र बैंकले आज पनि २० अर्ब रुपैयाँ बजारबाट तान्दैछ । 

राष्ट्र बैंकले बैंक तथा वित्तीय संस्थाहरुको अधिक तरलता खिच्न निक्षेप संकलनमार्फत् २० अर्ब रुपैयाँ तान्ने लागेको हो । इच्छुक बैंक तथा वित्तीय संस्थाले आज दिउँसो ३ बजेसम्म बोलकबोलमार्फत आवेदन दिन सक्नेछन् । बजारमा रहेको अधिक तरलता व्यवस्थापनका लागि राष्ट्र बैंकले निक्षेप संकलन उपकरण प्रयोग गर्दै आएको छ । 

केन्द्रिय बैंकले १४ दिनका लागि उक्त उपकरण प्रयोग गर्न लागेको हो । साँवा र ब्याज भुक्तानी मिति फागुन ३ गते निर्धारण भएको छ । यसको ब्याजदर भने बोलकबोल बाटै निर्धारण हुनेछ । बैंक तथा वित्तीय सस्थाहरुले न्यूनतम १० करोड र अधिकतम ५ करोडले निःशेष भाग जानेगरी निष्कासित रकम बराबरको माग गर्न सक्नेछन् ।

नेपाल राष्ट्र बैंकका अनुसार हाल बैंकहरुको सिडी रेसियो ८०.४८ प्रतिशत छ । बैंकहरुले सिडि रेसियो ९० प्रतिशतसम्म कायम राख्न पाउछन् । आर्थिक मन्दी तथा कर्जाको माग घट्दै जादा सिडि रेसियो घटिरहेको छ । हाल बैंकहरुले ६१ खर्ब ३६ अर्ब रुपैयाँ निक्षेप संकलन गरेका छन् भने ५० खर्ब ८१ अर्ब रुपैयाँ कर्जा लगानी गरेका छ । केहि समयदेखि बैंकहरुले कर्जा विस्तार पनि क्रमिक रुपमा बढाइरहेका छन् । तै पनि बैंकहरु सँग प्रयाप्त तरलता रहेको हुँदा राष्ट्र बैंकले समय समयमा तरलता खिचिरहेको छ । 

प्रतिक्रिया दिनुहोस्

सम्बन्धित समाचार

गरिब देशहरुको सहयोगका लागि विश्व बैंकको ९३ अर्ब डलरको वित्तीय प्याकेज

१० वाणिज्य बैंकले ४ महिनामै कमाए अर्ब बढी नाफा, एनआइसी एसियाको सबैभन्दा धेरै

खप्तड लघुवित्तले आईपीओ जारी गर्ने, बिक्री प्रबन्धकमा प्रभु क्यापिटल नियुक्त

तीन कम्पनीको सेयर मूल्य समायोजन

विद्युत खपत बढाउन प्राधिकरणले सुरु गर्यो अभियान

भ्याल्यू स्टक भनेको के हो, कसरी छान्ने यस्ता सेयर ?