ताप्लेजुङको फुङ्लिङमा नेपाल बैङ्कको एक्सटेन्सन काउन्टर स्थापना

काठमाडौं । ताप्लेजुङको फुङ्लिङ नगरपालिकामा नेपाल बैङ्क लिमिटेडको एक्सटेन्सन काउन्टर स्थापना भएको छ । फुङ्लिङ नगरपालिका कार्यालयसँगै रहनेगरी नेपाल बैङ्क लिमिटेडको एक्सटेन्सन काउन्टर ताप्लेजुङ शाखा स्थापना गरिएको हो ।

फुङ्लिङ नगरपालिकाकी उपप्रमुख भीमादेवी ओझाले एक्सटेन्सन काउन्टरको सोमबार बिहान उद्घाटन गरेका हुन् । नगरपालिका कार्यालयमा एक्सटेन्सन काउन्टर शाखा स्थापनासँगै सोमबारदेखि सेवा सुरु गरिएको छ ।

नेपाल बैङ्क लिमिटेड ताप्लेजुङ शाखाकी प्रमुख वसुन्धरा आचार्यका अनुसार एक्सटेन्सन काउन्टर शाखामार्फत कर्जा बाहेकका सबै सेवाहरू प्रवाह हुनेछ । उनले दुई लाख रुपियाँसम्मको रकम काउन्टरबाट प्रवाह गर्न सकिने बताइन् । दुई लाख रुपियाँ माथिको रकम भुक्तानी लिनुपर्ने भएमा भने अग्रिम जानकारी गराउन सकिने पनि उनको भनाइ छ । 

नेपाल बैङ्क लिमिटेडका अनुसार एक्सटेन्सन काउन्टरमार्फत फुङ्लिङ नगरपालिकाभित्रका उपभोक्ता समिति र व्यक्तिगत दुवै किसिमका खाताहरू सञ्चालन गरी आर्थिक कारोबार हुने बताइएको छ । यस्तै, एक्सटेन्सन काउन्टर शाखा स्थापना भएको नगरपालिका कार्यालय आसपासका अन्य सेवाग्राहीले पनि सेवा लिन सक्ने बैङ्कले जनाएको छ । 

नेपाल बैङ्क लिमिटेड कोशी प्रदेशका मुख्य प्रबन्धक सूर्यप्रकाश भट्टका अनुसार कोशी प्रदेशमा फुङ्लिङ नगरपालिका बाहेक यसअघि तेह्रथुमको म्याङ्लुङ नगरपालिका र झापाको मेचीनगर नगरपालिकामा एक्सटेन्सन काउन्टर स्थापना गरी सेवा सञ्चालनमा आएको छ । काउन्टर शाखा शुभारम्भ कार्यक्रममा ताप्लेजुङका निमित्त प्रमुख जिल्ला अधिकारी टङ्कबहादुर भट्टराई, प्रहरी प्रमुख प्रहरी नायव उपरीक्षक राजन लिम्बूलगायतको उपस्थिति रहेको छ ।

प्रतिक्रिया दिनुहोस्

सम्बन्धित समाचार

गरिब देशहरुको सहयोगका लागि विश्व बैंकको ९३ अर्ब डलरको वित्तीय प्याकेज

१० वाणिज्य बैंकले ४ महिनामै कमाए अर्ब बढी नाफा, एनआइसी एसियाको सबैभन्दा धेरै

खप्तड लघुवित्तले आईपीओ जारी गर्ने, बिक्री प्रबन्धकमा प्रभु क्यापिटल नियुक्त

तीन कम्पनीको सेयर मूल्य समायोजन

विद्युत खपत बढाउन प्राधिकरणले सुरु गर्यो अभियान

भ्याल्यू स्टक भनेको के हो, कसरी छान्ने यस्ता सेयर ?