मौद्रिक नीतिको समिक्षा सार्वजनिक गर्ने तयारी, बजेटको अर्धवार्षिक मूल्याङ्कन पनि आजै

काठमाडौं । नेपाल राष्ट्र बैंक र अर्थ मन्त्रालय अर्धवार्षिक समिक्षाका लागि जुटेका छन् । अर्थमन्त्रालयले आजै साढे ३ बजे पत्रकार सम्मेलन आह्वान गरेको छ । उता नेपाल राष्ट्र बैंकले पनि साँझ सञ्चालक समितिको बैठक आह्वान गरेको छ । 

नेपाल राष्ट्र बैंकले मौद्रिक नीतिको अर्धवार्षिक समीक्षा पारित गर्न सञ्चालक समिति बैठक बोलाएको छ । सोमबार साँझ सञ्चालक समिति बैठक बोलाइएको हो । 

सञ्चालक समितिले स्वीकृत गरेमा राष्ट्र बैंकले मौद्रिक नीतिको समीक्षा आजै साँझ सार्वजनिक गर्ने छ । पछिल्लो समय कर्जा विस्तार नहुँदा बैंक तथा वित्तीय संस्थाहरुमा अहिले अधिक तरलताको अवस्था आएको छ । अधिक तरलतालाई ब्यवस्थापन गर्न केन्द्रीय बैंकलाई हम्मेहम्मे परेको छ । दैनिकजस्तो बजारबाट निक्षेप तान्दै आएको छ । तरलाता व्यवस्थापन गर्ने गरी मौद्रिक नीतिको अर्धवार्षिक समीक्षा ल्याउन तयारी भइरहको छ । 

नेपाल राष्ट्र बैंकले सार्वजनिक गरेको दोस्रो त्रैमाशिक अवधिको वित्तीय अवस्था सकारात्मक देखिए पनि बैंकिङ प्रणालीबाट कर्जा प्रवाह भने हुन सकेको छैन । अर्को तर्फ बैंक वित्तीय संस्थाको खराव कर्जा बढ्दा बैंकहरु जटिल अवस्थामा छन् । यहि अवस्थालाई समाधान गर्नु पर्ने दवावमा राष्ट्र बैंक रहेको छ । कर्जा प्रवाह नहुँदा बैंकहरुको व्याजदर दशक यताकै सर्वाधिक तल्लो विन्दुमा झर्न सक्ने सम्भावना बढ्दै गइरहेको छ । यो पनि अर्थतन्त्रका लागि सकारात्मक संकेत होइन । 

प्रतिक्रिया दिनुहोस्

सम्बन्धित समाचार

गरिब देशहरुको सहयोगका लागि विश्व बैंकको ९३ अर्ब डलरको वित्तीय प्याकेज

१० वाणिज्य बैंकले ४ महिनामै कमाए अर्ब बढी नाफा, एनआइसी एसियाको सबैभन्दा धेरै

खप्तड लघुवित्तले आईपीओ जारी गर्ने, बिक्री प्रबन्धकमा प्रभु क्यापिटल नियुक्त

तीन कम्पनीको सेयर मूल्य समायोजन

विद्युत खपत बढाउन प्राधिकरणले सुरु गर्यो अभियान

भ्याल्यू स्टक भनेको के हो, कसरी छान्ने यस्ता सेयर ?