महालक्ष्मी विकास बैंकले ल्यायो कर्जामा आकर्षक ब्याजदर योजना

महालक्ष्मी विकास बैंकले नयाँ वर्ष २०८१ लाई लक्षित गरी घर कर्जा, व्यावसायिक कर्जा र सवारी कर्जा (व्यक्तिगत) मा आकर्षक ब्याजदर रहने गरी नयाँ योजना ल्याएको छ । यी कर्जामा पहिलो १ वर्षको लागि स्थिर ब्याजदर कायम रहने र महिलाको हकमा सेवा शुल्कमा २५ प्रतिशतसम्म छूट पाइने बताइएको छ । 

योजनाअनुसार घर कर्जा अन्तर्गत न्यूनतम् २ वर्ष देखि अधिकतम् ३० वर्ष अवधि रहने गरी रू. ५ करोड सम्मको कर्जा पाइने बैंकले जानकारी दिएको छ । त्यस्तै साना तथा मझौला व्यवसायको कर्जा एक वर्षदेखि १५ वर्षसम्मको अवधिका लागि १० दशमलव ९९ प्रतिशत र सवारी कर्जा (व्यक्तिगत) मा ११ दशमलव ४९ प्रतिशत वार्षिक ब्याजदरमा कर्जा प्रदान गरिने बताइएकोछ । 

सवारी कर्जा (व्यक्तिगत)को न्यूनतम् अवधि दुई २ वर्ष र अधिकतम अवधि ५ वर्षसम्म रहने बताइएको छ । विद्युतीय सवारीको हकमा ८० प्रतिशतसम्म र अन्य सवारीमा ५० प्रतिशतसम्म कर्जा प्रदान गरिने बैंकले जानकारी दिएको छ । 

प्रतिक्रिया दिनुहोस्

सम्बन्धित समाचार

गरिब देशहरुको सहयोगका लागि विश्व बैंकको ९३ अर्ब डलरको वित्तीय प्याकेज

१० वाणिज्य बैंकले ४ महिनामै कमाए अर्ब बढी नाफा, एनआइसी एसियाको सबैभन्दा धेरै

खप्तड लघुवित्तले आईपीओ जारी गर्ने, बिक्री प्रबन्धकमा प्रभु क्यापिटल नियुक्त

तीन कम्पनीको सेयर मूल्य समायोजन

विद्युत खपत बढाउन प्राधिकरणले सुरु गर्यो अभियान

भ्याल्यू स्टक भनेको के हो, कसरी छान्ने यस्ता सेयर ?