स्वरोजगार लघुवित्तले बोलायो साधारणसभा, एफपीओ र लाभांश वितरणको प्रस्ताव

काठमाडौं । स्वरोजगार लघुवित्त वित्तीय संस्था लिमिटेडले फागुन २६ गते  साधारणसभा बोलाउने निर्णय गरेको छ। लिमिटेडले नेपाल हाउस हात्तिसार, काठमाडौंमा बिहान साढे ११ बजे १५ औं वार्षिक साधारणसभा बोलाउने निर्णय गरेको हो। 

सभाले गत आर्थिक वर्ष २०७९/८० को वार्षिक प्रतिवेदन सहितका वित्तीय विवरण पारित गर्नुका साथै चालू आर्थिक वर्षको लागि लेखापरीक्षक नियुक्तिको विषय टुङ्ग्याउनेछ । प्रस्तावित लाभांशलाई समेत कम्पनीले वितरणयोग्य बनाउने जनाएको छ।

माघ १५ गते बसेको कम्पनीको सञ्चालक समितिको बैठकले हाल कायम चुक्ता पुँजी ६२ करोड ७२ लाख रुपैयाका आधारमा ७ प्रतिशत बोनस शेयर र कर प्रयोजनका लागि शून्य दशमलव ३७ प्रतिशत नगद लाभांश वितरण गर्ने निर्णय गरेको थियो।

प्रस्तावित उक्त लाभांशलाइ पनि सभाले अन्तिम स्वीकृति प्रदान गर्नेछ। उल्लिखित प्रस्ताव सँगै थप सार्वजनिक निष्कासन (एफपीओ) को प्रस्ताव पनि सभाका लागि तय भएका छ। 

कम्पनीले फागुन १३ गते बुक क्लोज गर्ने तयारी गरेको छ। बुक क्लोजको आधारमा फागुन १० गते बिहीवारसम्म कायम शेयरधनीले सभामा भाग लिन र लाभांश प्राप्त गर्न सक्नेछन्।

प्रतिक्रिया दिनुहोस्

सम्बन्धित समाचार

गरिब देशहरुको सहयोगका लागि विश्व बैंकको ९३ अर्ब डलरको वित्तीय प्याकेज

१० वाणिज्य बैंकले ४ महिनामै कमाए अर्ब बढी नाफा, एनआइसी एसियाको सबैभन्दा धेरै

खप्तड लघुवित्तले आईपीओ जारी गर्ने, बिक्री प्रबन्धकमा प्रभु क्यापिटल नियुक्त

८ जिल्लामा विद्युत प्रणाली सुधारको काम सुरु

बिल एकम्यानको रणनीति : सस्तो सेयर किनेर व्यवस्थापन आफ्नै हातमा लिने

तीन कम्पनीको सेयर मूल्य समायोजन