महिला कर्मचारीमाथि दुर्व्यवहार गर्ने राष्ट्र बैंकका निर्देशक थानेश्वर आचार्य सेवाबाट हटाइए

काठमाडौं । राष्ट्र बैंकले निर्देशक थानेश्वर आचार्यलाई सेवाबाट हटाएको छ। पटक-पटक अनुशासनहीन व्यवहार देखाएको भन्दै उनलाई सेवाबाट हटाइएको राष्ट्र बैंक स्रोतले जानकारी दिएको छ।

चैत ६ देखि लागू हुने गरी आचार्यलाई सेवाबाट हटाइएको हो।

पछिल्लो पटक एक महिला कर्मचारीमाथि दुर्व्यवहार गरेको उनीमाथि आरोप छ। आचार्यले आफूलाई दुर्व्यवहार गरेको भन्दै कारबाहीको माग गरेर ति वरिष्ठ महिला कर्मचारीले प्रशासनसमक्ष उजुरी दिएकी थिइन्।

आचार्यले गत २७ पुसमा केन्द्रीय बैंकका उच्च अधिकारीको ‘स्ट्रेस म्यानेजमेन्ट’ कार्यक्रममै उनीमाथि दुर्व्यवहार गरेको आरोप छ। महिला कर्मचारीमाथि दुर्व्यवहार गरेपछि राष्ट्र बैंकले छानबिन समिति नै बनाएको थियो।

छानबिन क्रममा दोषी देखिएका आचार्यलाई स्पष्टीकरण सोधिएको तर उनको स्पष्टीकरण चित्तबुझ्दो नभएपछि सेवाबाट हटइएको मानव संशाधन विभागले जनाएको छ।

राष्ट्र बैंकको टक्सार शाखामा कार्यरत आचार्यमाथि कारबाही प्रक्रिया सुरु भएपछि जिम्मेवारीविहीन बनाइएको थियो।

प्रतिक्रिया दिनुहोस्

सम्बन्धित समाचार

गरिब देशहरुको सहयोगका लागि विश्व बैंकको ९३ अर्ब डलरको वित्तीय प्याकेज

१० वाणिज्य बैंकले ४ महिनामै कमाए अर्ब बढी नाफा, एनआइसी एसियाको सबैभन्दा धेरै

खप्तड लघुवित्तले आईपीओ जारी गर्ने, बिक्री प्रबन्धकमा प्रभु क्यापिटल नियुक्त

तीन कम्पनीको सेयर मूल्य समायोजन

विद्युत खपत बढाउन प्राधिकरणले सुरु गर्यो अभियान

भ्याल्यू स्टक भनेको के हो, कसरी छान्ने यस्ता सेयर ?