हिमालयन बैंकको १३ लाख २७ हजार कित्ता संस्थापक शेयर बिक्रीमा

काठमाडौं । हिमालयन बैंक लिमिटेडले १३ लाख २७ हजार ८६७ कित्ता संस्थापक शेयर बिक्रीमा राखेको छ। बैंकले आज (मंगलबार) सूचना प्रकाशन गरेर संस्थापक शेयर बिक्रीमा राखिएको जानकारी दिएको हो।

बैंकका विद्यमान संस्थापक शेयरधनीले मात्रै खरिद आवेदन दिन सक्नेछन्। खरिदका लागि सूचना प्रकाशित भएको ३५ दिनभित्र काठमाडौं कमलादीमा रहेको बैंकको केन्द्रीय कार्यालयको कानुन तथा शेयर विभागमा आवश्यक कागजातसहित निवेदन पेस गर्नुपर्नेछ।

संस्थापक शेयरहरूको मूल्य बिक्रेताअनुसार फरक–फरक भएकाले मूल्यसम्बन्धी जानकारीका लागि बैंकको केन्द्रीय कार्यालयमै सम्पर्क गर्न आग्रह गरिएको छ।

तोकिएको समयभित्र संस्थापक शेयरधनीहरूबाट खरिद आवेदन नपरेमा अन्य व्यक्ति तथा संघसंस्थालाई शेयर बिक्री गरिने पनि बैंकले जनाएको छ।

प्रतिक्रिया दिनुहोस्

सम्बन्धित समाचार

गरिब देशहरुको सहयोगका लागि विश्व बैंकको ९३ अर्ब डलरको वित्तीय प्याकेज

१० वाणिज्य बैंकले ४ महिनामै कमाए अर्ब बढी नाफा, एनआइसी एसियाको सबैभन्दा धेरै

खप्तड लघुवित्तले आईपीओ जारी गर्ने, बिक्री प्रबन्धकमा प्रभु क्यापिटल नियुक्त

तीन कम्पनीको सेयर मूल्य समायोजन

विद्युत खपत बढाउन प्राधिकरणले सुरु गर्यो अभियान

भ्याल्यू स्टक भनेको के हो, कसरी छान्ने यस्ता सेयर ?