राजस्व घटाउनु पर्नेगरी बजेट ल्याउनु हुँदैन : पूर्व अर्थमन्त्री खतिवडा

काठमाडौं । पूर्व अर्थमन्त्री डा. युवराज खतिवडाले अर्धवार्षिक समीक्षामा १० प्रतिशत बजेट र राजस्व घटाउनुपर्ने बजेट नल्याउन अर्थमन्त्री वर्षमान पुनलाई सुझाव दिएका छन् ।  

आइतबार नेपाल व्यवस्थापन सङ्घ (म्यान) ले आयोजना गरेको प्रि–बजेट छलफल कार्यक्रममा उनले यस्तो सुझाव दिएका हुन् । उनले बजेटको साख जोगाउने गरी अनुमानयोग्य र विश्वसनीय अनुमान गरी बजेट ल्याउन आवश्यक रहेको बताए । पूर्व अर्थमन्त्री खतिवडाले समष्टिगत आर्थिक परिसूचकलाई बढी अनुमान गरी त्यसको आधारमा बजेट नबनाउन आग्रह गरेका छन् । संसद्ले पास गरेको विनियोजन ऐन, संसद्ले पास गरेको बजेटका आधारमा तय भएका राजस्वलाई ठुलो अनुपातमा घटाउँदै जाँदा कानुनको पद्धति, सरकार बजेटको सम्बन्ध र जनतासामु बजेटको सार गिर्ने उनको भनाइ छ । 

बजेटको सार र साख नगिर्ने गरी यथार्थपरक बजेट निर्माण गर्नुपर्ने उनको सुझाव छ । उनले बजेट अनुमान गर्दा चालु वर्षको आधारलाई यथार्थपरक बनाउन नसके गत वर्षजस्तो हुने बताए । उनले गत वर्ष राजस्वलाई बजेटको आधार बनाउँदा अहिले अर्थमन्त्रीलाई समस्या भएको बताए ।

उनले भने, ‘बजेटको साख नगिराऔंं । अनुमानयोग्य कुरालाई मात्र अनुमान राखौँ । विश्वसनीय कुरा मात्र राखौँ । यस्ता समष्टिगत आर्थिक परिसूचकलाई बढी अनुमान गरेर त्यसको आधारमा बजेट नबनाऔँ । अर्ध वार्षिक समीक्षामा १० प्रतिशतभन्दा बढीका हिसाबले कटौती गर्नु वा राजस्व घटाउनुपर्ने स्थितिमा नजाऔँ ।’

प्रतिक्रिया दिनुहोस्

सम्बन्धित समाचार

गरिब देशहरुको सहयोगका लागि विश्व बैंकको ९३ अर्ब डलरको वित्तीय प्याकेज

१० वाणिज्य बैंकले ४ महिनामै कमाए अर्ब बढी नाफा, एनआइसी एसियाको सबैभन्दा धेरै

खप्तड लघुवित्तले आईपीओ जारी गर्ने, बिक्री प्रबन्धकमा प्रभु क्यापिटल नियुक्त

८ जिल्लामा विद्युत प्रणाली सुधारको काम सुरु

बिल एकम्यानको रणनीति : सस्तो सेयर किनेर व्यवस्थापन आफ्नै हातमा लिने

तीन कम्पनीको सेयर मूल्य समायोजन