ग्रिन डेभलपमेन्ट बैंकको साधारण सभा आज, लाभांश वितरणको प्रस्ताव पारित हुने

काठमाडौं । ग्रिन डेभलपमेन्ट बैंक लिमिटेडको दुई आर्थिक वर्षको साधारण सभा आज आयोजना हुँदैछ। फागुन २४ गते बसेको सञ्चालक समितिको बैठकको निर्णयबमोजिम बैंकको दशौं र एघारौं वार्षिक साधारण सभा आज आयोजना हुन लागेको हो।

पोखरामा रहेको मेजेष्टिक लेक फ्रन्ट होटल एण्ड सुइटमा आयोजना हुने सभामा आव २०७८/७९ सम्मको मुनाफाबाट ३.८ प्रतिशत बोनस शेयर र ०.२० प्रतिशत नगद लाभांश गरी कुल ४ प्रतिशत लाभांश वितरणको प्रस्ताव पारित गरिनेछ ।  

सभामा आर्थिक वर्ष २०७८/७९ र २०७९/८० को वार्षिक प्रतिवेदनमाथि छलफल गरी पारित गरिनुका साथै दुई आवको वित्तीय विववरणहरुमाथि छलफल गरी पारित गरिनेछ ।

सभामा सर्वसाधारण शेयरधनीकातर्फबाट दुईजना र संस्थापक शेयरधनीका तर्फबाट तीनजनाको निर्वाचन गर्ने तथा स्वतन्त्र सञ्चालकको नियुक्तिलाई अनुमोदन गर्ने प्रस्तावसमेत पारित हुनेछ।  

यसैगरी सभामा अन्य उपयुक्त बैंक तथा वित्तीय संस्थालाई एक आपसमा गाभ्ने/गाभिने वा प्राप्तिका लागि सञ्चालक समितिलाई पूर्ण अख्तियारी प्रदान गर्ने प्रस्ताव पनि पेश हुनेछ।  

साधारण सभा तथा लाभांश वितरण प्रयोजनका लागि बैंकले गत चैत ९ गते बुक क्लोज गरिसकेको छ। यसर्थ चैत ८ गतेसम्म कायम शेयरधनीहरुले मात्रै लाभांश प्राप्त गर्न तथा सभामा सहभागी हुन सक्नेछन्। 

प्रतिक्रिया दिनुहोस्

सम्बन्धित समाचार

गरिब देशहरुको सहयोगका लागि विश्व बैंकको ९३ अर्ब डलरको वित्तीय प्याकेज

१० वाणिज्य बैंकले ४ महिनामै कमाए अर्ब बढी नाफा, एनआइसी एसियाको सबैभन्दा धेरै

खप्तड लघुवित्तले आईपीओ जारी गर्ने, बिक्री प्रबन्धकमा प्रभु क्यापिटल नियुक्त

तीन कम्पनीको सेयर मूल्य समायोजन

विद्युत खपत बढाउन प्राधिकरणले सुरु गर्यो अभियान

भ्याल्यू स्टक भनेको के हो, कसरी छान्ने यस्ता सेयर ?