![$adHeader[0]['title']](https://bfisnews.com/images/bigyapan/1726498142_960x100.gif)
छोइनसक्नु सुनको मूल्य, आज पनि उच्च बिन्दुको रेकर्ड
- BFIS News
- 2024 Apr Wed 13:09
काठमाडौं । नेपाली बजारमा आज (बुधबार) पनि सुनको मूल्यले नयाँ रेकर्ड कायम गर्न सफल भएको छ। लगातार नयाँ रेकर्ड बनाइरहेको सुनको मूल्य आज हालसम्मकै उच्च विन्दुमा पुगेको हो।
गत आइतबारदेखि सुनको मूल्यमा लगातार नयाँ रेकर्ड कायम हुन थालेको हो। यसअघि मंगलबार हालसम्मकै उच्च मूल्यमा सुनको कारोबार भएको थियो। उक्त दिन सुन प्रतितोला १ लाख ३६ हजार ३ सय रूपैयाँमा कारोबार भएको थियो।
आज सुन प्रतितोला १ लाख ३६ हजार ८ सय रूपैयाँ पुगेको छ। यो मूल्य पछिल्लो रेकर्डभन्दा ५ सय रूपैयाँ बढी हो।
नेपाल सुनचाँदी व्यवसायी महासंघका अनुसार आज छापावाल सुन प्रतितोला १ लाख ३६ हजार ८ सय रूपैयाँ र तेजाबी सुन प्रतितोला १ लाख ३६ हजार १५० रूपैयाँमा कारोबार भइरहेको छ।
सोमबार छापावाल सुन प्रतितोला १ लाख ३६ हजार ३ सय रूपैयाँ र तेजाबी सुन प्रतितोला १ लाख ३५ हजार ६ सय ५० रूपैयाँमा कारोबार भएको थियो।
मंगलबार चाँदीको मूल्य पनि बढेको छ। चाँदीको मूल्य तोलामा १५ रूपैयाँ बढेको हो। आज चाँदीको मूल्य प्रतितोला १ हजार ७ सय रूपैयाँ पुगेको महासंघले जानकारी दिएको छ।
शेयर गर्नुहोस
प्रतिक्रिया दिनुहोस्
सम्बन्धित समाचार
प्रतिक्रिया