सहिद स्मारक कलेज कीर्तिपुरलाई कृषि विकास बैंककाे सहयोग

काठमाडौं । कीर्तिपुरको सामुदायिक र सबैभन्दा पुरानो क्याम्पस सहिद स्मारक क्याम्पसलाई कृषि विकास बैंकले चार लाख रुपैयाँ बराबरको फर्निचर र अन्य सामाग्री हस्तान्तरण गरेको छ । सामाजिक उत्तरदायित्व अन्तर्गत बैंकले क्याम्पसको लागि फर्निचर र अन्य सामाग्री हस्तान्तरण गरेको हो ।

क्याम्पसका सञ्चालक समितिका अध्यक्ष शम्भुराम महर्जनको अध्यक्षतामा आयोजना भएको एक कार्यक्रममा बैंकको तर्फबाट क्याम्पसलाई आर्थिक सहयोग हस्तान्तरण भएको हो । कार्यक्रममा प्रमुख अतिथि कृषि विकास बैंकका बरिष्ठ उपमहाप्रवन्धक प्रताप सुवेदीले क्याम्पस संचालक समितिका अध्यक्ष शम्भुराम महर्जन र क्याम्पस प्रमुख मिलनमान महर्जनलाई सहयोग सामाग्री हस्तान्तरण गरे ।

कार्यक्रममा क्याम्पस सञ्चालक समितिका सम्पूर्ण पदाधिकारी तथा क्याम्पस प्रमुख र प्राध्यापकहरुको उपस्थिति थियो । कार्यक्रम क्याम्पसका सहायक प्रमुख सन्जय ज्ञवालीले संचालन गरेका थिए ।

कार्यक्रममा कृषि विकास बैंकका प्रदेश कार्यलय बाग्मतीका मुख्य निर्देशक उपमहाप्रवन्धक मिनराज पोखरेल, कीर्तिपुर शाखाका प्रबन्धक जिबलाल खनाल, शाखा प्रमुख मदुसुदन खकुरेलको उपस्थिति थियो ।

सोही कार्यक्रममा प्रमुख अतिथि प्रताप सुवेदीले सहिद स्मारक क्याम्पसको वार्षिक मुखपत्र सहिद बिम्बको समेत बिमोचन गरेका थिए । ७७ जिल्लाका १५ सयभन्दा बढी विद्यार्थी अध्ययन गर्ने सो क्याम्पस गुणस्तरिय शिक्षाका लागि समेत आकर्षक गन्तव्य बनेको छ ।

प्रतिक्रिया दिनुहोस्

सम्बन्धित समाचार

गरिब देशहरुको सहयोगका लागि विश्व बैंकको ९३ अर्ब डलरको वित्तीय प्याकेज

१० वाणिज्य बैंकले ४ महिनामै कमाए अर्ब बढी नाफा, एनआइसी एसियाको सबैभन्दा धेरै

खप्तड लघुवित्तले आईपीओ जारी गर्ने, बिक्री प्रबन्धकमा प्रभु क्यापिटल नियुक्त

तीन कम्पनीको सेयर मूल्य समायोजन

विद्युत खपत बढाउन प्राधिकरणले सुरु गर्यो अभियान

भ्याल्यू स्टक भनेको के हो, कसरी छान्ने यस्ता सेयर ?