अन्तर्राष्ट्रिय इकोनोमिक्स ओलम्पियाडमा ४५ देशलाई पछि पार्दै नेपाली दुई युवाले जिते तेस्रो स्थान

काठमाडौं । ग्रीसको भोलसमा सम्पन्न छैटौं अन्तर्राष्ट्रिय इकोनोमिक्स ओलम्पियाडमा नेपाली दुई युवाले तेस्रो स्थान हाँसिल गरेका छन् । गत जुलाइ २४ देखि अगस्ट २ सम्म चलेको ओलम्पियाडमा नेपालको तर्फबाट भिक्टर हमाल र भार्गभ चटौतले ब्रोन्ज मेडल जित्दै अन्तर्राष्ट्रिय इकोनोमिक्स ओलम्पियाडमा तेस्रो स्थान हासिल गरेका हुन् । 

यस अघिको संस्करणमा पनि नेपाली युवा अंकित सुवेदी र अजर गुरुङले तेस्रो स्थान नै ल्याएका थिए । त्यतिबेला ४२ ‍देशको सहभागिता रहेको थियो ।

अहिले भने उक्त प्रतियोगितामा नेपाल सहित ४८ देशका विद्यार्थीहरुको सहभागिता रहेको थियो । जसमध्ये नेपाली युवाले ४५ देशलाई पछि पारेका हुन् ।

उक्त प्रतियोगिताको विजेता भने क्यानडाका डेनियल जान (Daniel Zhang) र उपविजेता टर्कीका अल्प एलचिन (Alp Yalcin) का रहेका छन् । नेपाल इकोनोमिक्स ओलम्पियाडको क्षेत्रीय प्रतिस्पर्धा २०२२ को डिसेम्बरमा र राष्ट्रिय प्रतिस्पर्धा २०२३ को फेब्रुअरीमा सम्पन्न भएको थियो ।

जस मध्ये पाचॅं उत्किषट प्रतिस्पर्धीहरु अनुभव ढुङ्गाना, अनुस्का सुवेदी, भागर्भ चटौत, भिक्टर हमाल र मयङ्क शंकर झाले अन्तर्राष्ट्रिय इकोनोमिक्स ओलम्पियाडमा भाग लिएका थिए । ती मध्ये हमाल र चटौतले तेस्रो स्थान हाँसिल गर्दै ब्रोन्ज मेडल ल्याएको नेपाल इकोनोमिक्स ओलम्पियाड (NEO) का निर्देशक तथा टिम लिडर दिपक भण्डारीले जानकारी दिए ।

प्रतिक्रिया दिनुहोस्

सम्बन्धित समाचार

गरिब देशहरुको सहयोगका लागि विश्व बैंकको ९३ अर्ब डलरको वित्तीय प्याकेज

१० वाणिज्य बैंकले ४ महिनामै कमाए अर्ब बढी नाफा, एनआइसी एसियाको सबैभन्दा धेरै

खप्तड लघुवित्तले आईपीओ जारी गर्ने, बिक्री प्रबन्धकमा प्रभु क्यापिटल नियुक्त

८ जिल्लामा विद्युत प्रणाली सुधारको काम सुरु

बिल एकम्यानको रणनीति : सस्तो सेयर किनेर व्यवस्थापन आफ्नै हातमा लिने

तीन कम्पनीको सेयर मूल्य समायोजन