होटल क्षेत्रको क्षमता बढाउन सरकार नीतिगत सुधार गर्न सकरात्मक छ : अर्थमन्त्री
- BFIS News
- 2024 Jul Tue 13:50
![होटल क्षेत्रको क्षमता बढाउन सरकार नीतिगत सुधार गर्न सकरात्मक छ : अर्थमन्त्री](https://bfisnews.com/images/news/1721721932_Bishnu-Paudel.jpg)
काठमाडौं । अर्थमन्त्री विष्णु पौडेलले बढ्दै गएको होटल संख्याको अनुरुप विद्यमान माग बढाउँदै क्षमता उपयोग गर्न नीतिगत सुधार गर्नेतर्फ सरकार सक्रिय रहेको बताएका छन् ।
होटल संघ नेपालको प्रतिनिधि मण्डलसँगको भेटमा पौडेलले बढ्दै गएको होटलहरुको संख्या र क्षमता उपयोग गर्न भैरहवा र पोखरा क्षेत्रीय अन्तर्राष्ट्रिय विमानस्थलहरुमा अन्तर्राष्ट्रिय उडान बढाउनुका अतिरिक्त पर्यटकीय तथा राष्ट्रिय महत्वका पोखरा, चितवन, लुम्बिनी राजमार्गहरुको विस्तार र स्तरोन्नति निश्चित समयभित्र सम्पन्न गराउन सरकार प्रतिबद्ध रहेको बताए।
उनले होटल संघ नेपालले उठाएका पर्यटन विकास विस्तारका विषयहरुमा मन्त्रालय सकारात्मक रहेको बताए। साथै आउँदो मौद्रिक नीति पर्यटन/होटल क्षेत्रको स्थायित्व तथा प्रवर्द्धन गर्न अभिप्रेरित रहने बताए।
व्यवसायीहरुले लामो समयदेखि होटल क्षेत्रलाई उद्योग सरहको मान्यता दिन गरेको मागप्रति सरकार सकारात्मक रहेको पनि उल्लेख गरे।
प्रतिक्रिया