नेपाल टेलिकमको चेतावनी : बक्यौता कात्तिक मसान्तसम्म तिरे छुट हुन्छ, नतिरे पत्रिकामा नाम प्रकाशन गरी कालोसूचीमा राखिन्छ

काठमाडौं। नेपाल टेलिकमले समयमै बक्यौता भुक्तानी गर्ने ग्राहकलाई जरिवाना छुट दिने भएको छ। टेलिकमको केन्द्रीय राजस्व विभागले आफ्ना पीएसटीएन, जीएसएम मोबाइल, सीडीएमए मोबाइल, एडीएसएल, एफटीटीएच आदि सेवा प्रयोग गरेबापत बाँकी रहेको भुक्तानी समयमै भुक्तान गर्न आग्रह गर्दै विभिन्न छुटसमेत दिने घोषणा गरेको छ।

कम्पनीका अनुसार आर्थिक वर्ष २०७८/०७९ सम्मको बक्यौता २०८१ कात्तिक मसान्तसम्म भुक्तानी गरेमा सोमा लाग्ने जरिवाना छुट हुनेछ। त्यसैगरी आर्थिक वर्ष २०७९/८० को बक्यौता २०८१ कार्तिक मसान्तसम्म भुक्तानी गरेमा सोमा लाग्ने जरिवानाको ५० प्रतिशत छुट दिने कम्पनीले जनाएको छ ।

साथै, टेलिकमले पुरानो बक्यौता भुक्तानी नगर्ने ग्राहकको नामावली पत्रिकामा प्रकाशन गर्ने तथा कम्पनीको वेबसाइटमा राखी कालोसूचीमा समावेश गर्ने प्रक्रिया अघि बढाइने चेतावनीसमेत दिएको छ।

प्रतिक्रिया दिनुहोस्

सम्बन्धित समाचार

गरिब देशहरुको सहयोगका लागि विश्व बैंकको ९३ अर्ब डलरको वित्तीय प्याकेज

१० वाणिज्य बैंकले ४ महिनामै कमाए अर्ब बढी नाफा, एनआइसी एसियाको सबैभन्दा धेरै

खप्तड लघुवित्तले आईपीओ जारी गर्ने, बिक्री प्रबन्धकमा प्रभु क्यापिटल नियुक्त

८ जिल्लामा विद्युत प्रणाली सुधारको काम सुरु

बिल एकम्यानको रणनीति : सस्तो सेयर किनेर व्यवस्थापन आफ्नै हातमा लिने

तीन कम्पनीको सेयर मूल्य समायोजन