![$adHeader[0]['title']](https://bfisnews.com/images/bigyapan/1726536208_1712932632_Onlinearthik_1200x100.gif)
.gif)
नीतिगत स्थिरता कायम गराउन वर्तमान सरकार सक्रिय भएर लागेको छ : अर्थमन्त्री
- BFIS News
- 2024 Sep Mon 16:09
काठमाडौं। उपप्रधान एवम् अर्थमन्त्री विष्णुप्रसाद पौडेलले सरकारको ध्यान नीतिगत स्थिरतामा केन्द्रित रहेको बताएका छन्। बुटवल उद्योग वाणिज्य सङ्घको ७१ औँ साधारण सभाको उद्घाटन कार्यक्रमलाई सम्बोधन गर्दै उनले राजनीतिक स्थायित्व, विकास र समृद्धिलाई प्राथमिकतामा राखेर सरकार अघि बढेको बताए।
अर्थमन्त्री पौडेलले आशातीत भएर लगानी गर्न उद्योगी-व्यवसायीलाई आग्रह गरे। उनले व्यावसायिक समस्या समाधान गर्न नीतिगत स्थिरता कायम हुनेगरी सरकारले काम गरिरहेकाले ढुक्क भएर लगानी गर्न आह्वान पनि गरे।
उनले विकास र समृद्धिका लागि निजी क्षेत्रले भोगेका समस्या समाधान गर्न सरकार प्रयत्नरत रहेको बताए। “निजी क्षेत्रसँग संवाद र आशा बढेको छ । निराशा र प्रतिकूलताको ओरालो यात्रा रोकिएको छ”, उनले भने, “निराश हुने हैन आशावादी र समस्या समाधान हुन्छन् भनेर अघि बढ्ने हो । सरकारले सोहीअनुसारका काम गरिरहेको छ।”
शेयर गर्नुहोस
प्रतिक्रिया दिनुहोस्
सम्बन्धित समाचार
प्रतिक्रिया