तीन ठुला बैंक नविल, ग्लोबल आइएमई र नेपाल इन्भेष्टमेन्ट मेगाको 'नेक टु नेक' कम्पिटिसन, हेर्नुहोस् कुन सूचकमा को अगाडी

काठमाडौं । तीन ठुला बाणिज्य बैंक नविल बैंक, ग्लोबल आइएमई बैंक र नेपाल इन्भेष्टमेन्ट मेगा बैंक नेक टु नेक कम्पिटिसन देखिएको छ । पूँजीका हिसावले मात्रै नभएर अन्य सूचकमा पनि यि तीन बाणिज्य बैंकहरु प्रतिस्पर्धा गरिरहेका छन् ।

विग मर्जरलाई आत्मसाथ गरेका तीन वटै बाणिज्य बैंकले मर्जर पछिको सवल र दुर्वल दुबै पक्षको सामना गरिरहेका छन् । कतिपय सूचकमा सबैभन्दा अगाडी देखिए पनि कतिपय सूचकमा अन्य बाणिज्य बैंक जसले मर्जरलाई आत्मसाथ गरेनन् उनिहरुको भन्दा निकै कमजोर पनि देखिएको छ । मर्जर पछि तीन वटै बाणिज्य बैंकले पूँजीकोष र निक्षेप तथा कर्जा परिचालनमा आफुलाई निकै अगाडी पुर्याउन सफल भएका छन् ।

चुक्ता पूँजीमा ग्लोबल जगेडामा नेपाल इन्भेष्टमेन्ट अगाडी

चुक्ता पूँजीका हिसावले सबैभन्दा अगाडी ग्लोबल आइएमई रहेको छ । ग्लोबलले स्थापनाकालदेखि १७ वटा भन्दा धेरै बैंक वित्तीय संस्थालाई मर्जर प्रकृयाँमा सामेल गराइसकेको छ । जसमा तीन वटा त बाणिज्य बैंकहरु नै विलन गर्न सफल रह्यो । जसले गर्दा आजका दिनमा ग्लोबलको सबैभन्दा धेरै ३६ अर्ब ६१ करोड रुपैयाँ छ । जगेडा कोष तर्फ हेर्ने हो भने ग्लोबल कमजोर छ । तै पनि बैंकको जगेडा कोषमा २४ अर्ब ८९ करोड जम्मा भइसकेको छ ।

त्यस्तै दोस्रो धेरै चुक्ता पूँजी रहेको नेपाल इन्भेष्टमेन्ट मेगा बैंकको ३४ अर्ब १२ करोड छ । नेपाल इन्भेष्टमेन्टले पनि मेगा बैंकलाई प्राप्ति गरि यो तहको पूँजी जुटाउन सफल भएको हो । जगेडा कोषका हिसावले भने नेपाल इन्भेष्टमेन्ट बैंक सबैभन्दा अगाडी छ । लाभांश वितरण गर्न नपाइरहेको बैंकले जगेडालाई भने बलियो बनाइरहेको छ । यसले बैंकको स्ट्रेन्थलाई अझ बलियो बनाउनेछ ।

साविक नेपाल बंगलादेश बैंकलाई प्राप्त गरि पूँजी र जगेडा दुबै बढाउन सफल नविल बैकको चुक्ता पूँजी २७ अर्ब ५ करोड रुपैयाँ रहेको छ । जगेडा कोषमा चुक्ता पूँजी भन्दा धेरै ३० अर्ब रुपैयाँ रहेको छ । यस हिसावले नविल सबैभन्दा सवल देखिएको छ ।

निक्षेप तथा कर्जा कर्जा लगानी  

मर्जर सँगै निक्षेप र कर्जा लगानीमा पनि तीन वटै बैंक आक्रामक देखिएका छन् । आजका दिनमा ग्लोबल आइएमई बैंक सँगै सबैभन्दा धेरै निक्षेप रहेको छ भने कर्जा तर्फ पनि ग्लोबल नै छ । ग्लोबलले समिक्षा अवधिमा ५ खर्ब १२ अर्ब रुपैयाँ निक्षेप संकलन गरी तीन खर्ब ९७ अर्ब रुपैयाँ कर्जा लगानी गरेको छ ।

त्यस्तै दोस्रो नम्बरमा रहेको नविल बैंकले ४७ अर्ब ९४ करोड निक्षेप संकलन गरी ३८ अर्ब १२ करोड कर्जा लगानी गरेको छ । कर्जा तर्फ नविल झण्डै ग्लोबल अगाडी पुगिसकेको छ । तेस्रो स्थानमा रहेको नेपाल इन्भेष्टमेन्ट मेगाले ४ खर्ब ३३ अर्ब निक्षेप संकलन गरी ३ खर्ब २४ अर्ब रुपैयाँ कर्जा लगानी गरेको छ । यहाँ निक्षेपमा ग्लोबल आक्रामक देखिएको छ भने कर्जा विस्तारमा नविल आक्रामक देखिएको छ ।

आम्दानी तथा नाफा

बैंकहरुको सबैभन्दा ठुलो आम्दानीको स्रोत भनेको कर्जा परिचालनबाट आर्जन हुने व्याज आम्दानी नै हो । निक्षेपमा व्याज दिएर कर्जाबाट प्राप्त हुने व्याज आम्दानी पश्चात खुद व्याज आम्दानी निकालिन्छ । यसमा नविल सबैभन्दा अगाडी छ । कर्जा विस्तारमा आक्रामक नविलले तीन महिनामा ४ अर्ब १४ करोड रुपैयाँ खुद व्याज आम्दानी गरेको छ । सबैभन्दा धेरै कर्जा विस्तार गरेता पनि ग्लोबलको व्याज खर्च धेरै भएकाले खुद व्याज आम्दानी ४ अर्ब ११ करोड रहेको छ । नेपाल इन्भेष्टमेन्ट मेगाको भने ३ अर्ब ८७ करोड छ ।

यसका साथै सञ्चालन आम्दानी तर्फ पनि नविल सबैभन्दा अगाडी छ । नविलले ५ अर्ब ३२ करोड आम्दानी गरेकोमा ग्लोबलले ५ अर्ब २३ करोड आर्जन गरेको छ । नेपाल इन्भेष्टमेन्टको भने ४ अर्ब ६७ करोड रहेको छ । कर्जाको गुणस्तरका आधारमा नविल अगाडी देखिएको छ । नविलले सबैभन्दा कम इम्पेरियल चार्ज गर्नु परेकाले  खुद मुनाफामा सबैभन्दा अगाडी रहेको छ । नविलले २ अर्ब ५ करोड नाफा गर्दा ग्लोबलको एक अर्ब ५१ करोड रहेको छ । त्यस्तै नेपाल इन्भेष्टमेन्टको एक अर्ब ४६ करोड रुपैयाँ नाफा छ । वितरण योग्य मुनाफाका हिसावले पनि नविल अगाडी छ ।

वित्तीय सूचक

वित्तीय सूचकहरुमा पनि तीन बैंक विच प्रतिस्पर्धा छ । आम्दानी तथा नाफादेखिनै अगाडी रहेको नविल यहि सूचककै कारणले हो । नविलको खराव कर्जा सबैभन्दा कम १.४२ प्रतिशत छ । जवकी ग्लोबल आइएमईको ४.६७ प्रतिशत रहेको छ । नेपाल इन्भेष्टमेन्टको पनि खराव कर्जा १.९९ प्रतिशत मात्रै रहेता पनि प्रोभिजनिङमा चुकेको छ ।

कर्जाको व्याजदरलाई आधार व्याजदरले सबैभन्दा धेरै प्रभाव पार्छ । तीन वटै बैंकहरुको आधार व्याजदरमा खासै ठुलो अन्तर छैन । तुलनात्मक रुपमा नविलको सबैभन्दा कम ७.०२ प्रतिशत रहेको छ भने ग्लोबलको ७.२९ र नेपाल इन्भेष्टमेन्टको ७.२८ प्रतिशत छ । व्याजदर तलै हुँदा पनि कर्जा विस्तारमा ग्लोबल र नेपाल इन्भेष्टमेन्ट पछाडी देखिएका छन् । साहेक खराव कर्जाको अनुपात धेरै भएर पनि हुन सक्छ जसले कर्जा दिन सक्ने क्षमतामा ह्रास ल्याउछ ।

पूँजी कम तथा बैंक व्यवसायबाट उचित प्रतिफल लिएको नविलले प्रतिशेयर आम्दानीमा फाइदा उठाएको छ । नविलको प्रतिशेयर बम्दानी २९.८३ रुपैयाँ हुँदै गर्दा ग्लोबलको १६.७४ रुपैयाँ र नेपाल इन्भेष्टमेन्टको १७.१६ रुपैयाँ छ । यस हिसावले शेयरधनीका दृष्टिकोणबाट नविलबाट बढि लाभ लिन सक्नेछन् । प्रतिशेयर नेटवर्थ तर्फ हेर्ने हो भने नविलको सबैभन्दा धेरै २२९ रुपैयाँ छ  । ग्लोबलको १७४ रुपैयाँ हुँदा नेपाल इन्भेष्टमेन्टको १८४ रुपैयाँ छ ।

दोस्रो बजारमा भने यि तीन बैंकको शेयर मूल्यमा निकै अन्तर देख्न पाइन्छ । नविलको दोस्रो बजारमा ५९१ रुपैयाँ छ भने ग्लोबलको २५२ रुपैयाँ र नेपाल इन्भेष्टमेन्टको २३६ रुपैयाँ मात्रै छ । तीन वटै बैंकको शेयर मूल्य अण्डर भ्यालु देखिन्छ । ग्लोबल र नेपाल इन्भेष्टमेन्टको शेयर मूल्य लगभग नेटवर्थ भन्दा केहि बढि मात्रै छ ।

नविल बैंकको विवरण

ग्लोबल आइएमई बैंकको विवरण

नेपाल इन्भेष्टमेन्ट मेगा बैंकको विवरण

प्रतिक्रिया दिनुहोस्

सम्बन्धित समाचार

गरिब देशहरुको सहयोगका लागि विश्व बैंकको ९३ अर्ब डलरको वित्तीय प्याकेज

१० वाणिज्य बैंकले ४ महिनामै कमाए अर्ब बढी नाफा, एनआइसी एसियाको सबैभन्दा धेरै

खप्तड लघुवित्तले आईपीओ जारी गर्ने, बिक्री प्रबन्धकमा प्रभु क्यापिटल नियुक्त

तीन कम्पनीको सेयर मूल्य समायोजन

विद्युत खपत बढाउन प्राधिकरणले सुरु गर्यो अभियान

भ्याल्यू स्टक भनेको के हो, कसरी छान्ने यस्ता सेयर ?