स्टार माइक्रो इन्स्योरेन्सले आईपीओ निष्काशनका लागि धितोपत्र बोर्डमा दियो निवेदन, २२ लाख ५० हजार कित्ता बिक्री गर्ने

काठमाडौं । स्टार माइक्रो इन्स्योरेन्स कम्पनीले आईपीओ निष्काशनका लागि नेपाल धितोपत्र बोर्डमा निवेदन दिएको छ । कम्पनीले यहि मंसिर ९ गते बोर्डमा अनुमति माग गर्दै निवेदन दिएकोमा आज आइपिओ निष्काशनको पाइपलाइनमा देखिएको हो । 

कम्पनीले आफ्नो जारी पूँजीको ३० प्रतिशतले हुन आउने २२ करोड ५० लाख रुपैयाँ बराबरको कुल २२ लाख ५० हजार कित्ता साधारण सेयरहरू प्रतिसेयर मूल्य १ सय रुपैयाँको दरमा सर्वसाधारणमा निष्कासन गर्न लागेको हो । कम्पनीको धितोपत्र निष्काशन तथा बिक्री प्रवन्धकमा एनआइएमबी एस क्यापिटल रहेको छ । 

न्यून आय भएका एवं पिछडिएका क्षेत्रका बासिन्दा र सीमान्तकृत समुदायका व्यक्तिहरूलाई निर्जीवन लघु बीमा सेवा पुर्‍याउने लक्ष्यसहित स्टार माइक्रो इन्स्योरेन्स कम्पनी २०७९ पुस १४ मा दर्ता भई २०८० भदौ १ गतेदेखि निर्जीवन लघु बीमाको इजाजतपत्र प्राप्त गरी देशका विभिन्न स्थानहरूमार्फत लघु निर्जीवन बीमा सम्बन्धी कारोबार गर्दै आएको छ । कम्पनीको प्रमुख कार्यकारी अधिकृतमा विश्वराम तिमिला रहेका छन् ।

प्रतिक्रिया दिनुहोस्

सम्बन्धित समाचार

तीन कम्पनीको सेयर मूल्य समायोजन

विद्युत खपत बढाउन प्राधिकरणले सुरु गर्यो अभियान

भ्याल्यू स्टक भनेको के हो, कसरी छान्ने यस्ता सेयर ?

बिल एकम्यानको रणनीति : सस्तो सेयर किनेर व्यवस्थापन आफ्नै हातमा लिने

नेशनल लाइफको २० प्रतिशत लाभांश घोषणा

लेखापरीक्षण प्रतिवेदन नबुझाउने विभिन्न बीमा कम्पनीहरूलाई जरीवाना