![$adHeader[0]['title']](https://bfisnews.com/images/bigyapan/1759825227_1100x100.gif)
बैंकबाट शेयर धितोमा राखेर कर्जा लिँदै हुनुहुन्छ ? हेर्नुहोस् कुन बैंकको ब्याजदर कति ?
- BFIS News
- 2023 Sep 03 14:31
काठमाडौं । अन्य क्षेत्रमा कर्जाको माग खासै नहुँदा बैंक वित्तीय संस्थाहरु शेयरधितो कर्जामा केन्द्रित हुन थालेका छन् । बैंकहरुले स्किम नै निकालेर लगानीकर्ताहरुलाई न्युनतम व्याजदरका लागि प्रोत्साहित गरिरहेका छन् । बैंकहरुले सार्वजनिक गरेको तथ्याङ्क अनुसार सबैभन्दा कम शेयरधितो कर्जा नविल बैंकको छ । नविल बैंकले न्युनतम ९.५२ प्रतिशतदेखि अधिकतम १४.५२ प्रतिशतसम्म लिने गरेको छ ।
त्यस्तै एभरेष्ट बैंकले न्युनतम ९.६१ प्रतिशतदेखि १४.११ प्रतिशत, नेपाल इन्भेष्टमेन्ट मेगा बैंकले ९.६७ प्रतिशतदेखि १४.६७ प्रतिशत, सिद्धार्थ बैंकले ९.९० प्रतिशतदेखि १४.९० प्रतिशत, ग्लोबल आइएमई १०.०७ प्रतिशतदेखि १५.०७ प्रतिशत, सानिमा र प्रभु बैंकको १०.१५ प्रतिशतदेखि १५.१५ प्रतिशत, कृषि विकास बैंकको १०.२२ प्रतिशतदेखि १२.२२ प्रतिशत, एनएमबी बैंकको १०.३० प्रतिशतदेखि १५.३० प्रतिशत रहेको छ ।
सरकारी स्वामित्वका तीन बाणिज्य बैंकको ब्याजदर
सरकारी स्वामित्वमा रहेको कृषि विकास बैंकले न्युनतम १० दशमलव २२ प्रतिशत ब्याजदरदेखि अधिकतम १२ दशमलव २२ प्रतिशत ब्याजदरमा यस्तो कर्जा उपलब्ध गराउदै आएको छ ।
राष्ट्रिय वाणिज्य बैंकले न्युनतम ११ दशमलव ४५ प्रतिशतदेखि अधिकतम ११ दशमलव ७० प्रतिशत ब्याजदरमा शेयरधितो कर्जा दिइरहेको छ । नेपाल बैंकले न्युनतम १२ दशमलव ०५ प्रतिशत ब्याजदरदेखि अधिकतम १४ दशमलव ५५ प्रतिशतसम्म यस्तो कर्जा प्रदान गर्दै आइरहेको छ ।
लगानीकर्ताले आफु सँग भएको शेयर धितोमा राखेर सहजै कर्जा लिन सक्छन् । आफु सँग भएको शेयर धितोमा राखेर पुनः शेयर बजारमै लगानी गर्ने ट्रेण्डका कारण लगानीकर्ताका लागि यसले विशेष आकर्षित गर्दछ । त्यसैले घट्दो व्याजदर शेयर बजारका लगानीकर्ताका लागि सबै भन्दा उत्तम मानिन्छ । यस्तो कर्जाको नीतिगत व्यवस्थालाई नेपाल राष्ट्र बैंकले समय सापेक्ष संशोधन गर्ने गरेको छ ।
शेयर गर्नुहोस
प्रतिक्रिया दिनुहोस्
सम्बन्धित समाचार
प्रतिक्रिया