नेशनल लाइफको मुनाफा ९.४० प्रतिशतले बढ्यो, जीवन बीमा कोषमा ८४ अर्ब १० करोड नाघ्यो

BFIS News
2025 Feb Wed 12:51

नेशनल लाइफको मुनाफा ९.४० प्रतिशतले बढ्यो, जीवन बीमा कोषमा ८४ अर्ब १० करोड नाघ्यो

काठमाडौं । नेशनल लाइफ इन्स्योरेन्स कम्पनीले चालु आर्थिक वर्षको ६ महिनाको अवधिमा २७ करोड ९१ लाख रुपैयाँ खुद मुनाफा आर्जन गरेको छ । कम्पनिद्ये गत वर्षको यहि अवधिमा २५ करोड ९१ लाख रुपैयाँ मुनाफा आर्जन गरेको थियो । समिक्षा अवधिमा कम्पनीको मुनाफा ९.४० प्रतिशतले बढेको छ ।

जीवन बीमा व्यवसायमा आक्रामक रुपमा अगाडी बढिरहेको नेशनल लाइफको जीवन बीमा कोष ८४ अर्ब १० करोड नाघेको छ । गत वर्षको यहि अवधिमा कम्पनीको जीवन बीमा कोषमा ७७ अर्ब ९५ करोड पुगेको छ । समिक्षा अवधिमा यस्तो कोष ७.८८ प्रतिशतले बृद्धि भएको छ ।

त्यस्तै यस वर्ष नेशनल लाइफले १३.१४ प्रतिशतले खुद बीमा शुल्क आर्जन बढाउन सफल भएको छ । कम्पनीले समिक्षा अवधिमा ९ अर्ब ४८ करोड रुपैयाँ खुद बीमा शुल्क आर्जन गरेको छ ।

लगानी तथा कर्जाबाट हुने आम्दानी २ अर्ब ६९ करोड २७ लाखबाट बढेर २ अर्ब ९२ करोड ३९ लाख पुगेको छ । लगानी तथा कर्जाबाट हुने आम्दानी बढ्दा नाफामा पनि सुधार आएको हो । यता, कमिसन आम्दानी ३ करोड ६ लाख कायम भएको छ । गत वर्ष कम्पनीले कमिसनबाट २ करोड ५१ लाख आम्दानी भएको थियो ।

५ अर्ब २१ करोड २१ लाख चुक्ता पुँजी रहेको यस कम्पनीको रिटेन्ड अर्निङमा ७३ करोड ९३ लाख रुपैयाँ देखिएको छ । कम्पनीको प्रतिसेयर आम्दानी १०.७५ रुपैयाँ रहेको छ । प्रतिसेयर नेटवर्थ १३४.०१ रुपैयाँ छ ।