केहि कार्यक्रम तथा अवार्डमा चौधरी समुहको समर्थन रहेको भन्दै गरिएको गलत प्रचार प्रति ध्यानाकर्षण

काठमाडौं । केहि कार्यक्रम तथा अवार्डहरुमा चौधरी समुहको समर्थन रहेको भन्दै गरिएको गलत प्रचार प्रति चौधरी समुहले आधिकारिक रुपमा ध्यानाकर्षण गराएको छ । 

समुहले स्पष्ट रुपमा जानकारी गराउदै ति गतिविधिहरु तथा तिनका आयोजनाहरु सँग कुनै पनि सम्बन्ध तथा सहकार्य नरहेको जनाएको छ । समुहले भनेको छ 'हाम्रो नाम, पहिचान र विरासतको कुनै पनि अनधिकृत प्रयोग भ्रामक, अनुपयुक्त र कानुनी रूपमा अस्वीकार्य छ । एक जिम्मेवार व्यावसायिक संस्थाका रूपमा हामी सधैं नैतिक मूल्य, व्यावसायिक अभ्यास र पारदर्शिताको पक्षमा छौं ।'

यदि कसैले व्यक्तिगत वा संघठनात्मक लाभका लागि समुहको नाम तथा लोगोको गलत प्रस्तुतिकरण गरिएको प्रति पनि कडा भर्त्सना गरेको छ ।  सिजिले यस्ता दुरुपयोग रोक्न कानुनी प्रक्रिया अगाडी बढाइएको जनाएको छ । यदि कसैले अनधिकृत रुपमा दुरुपयोग गरेको पाइयो भने कानुनी कारबाही भोग्नु पर्ने चेतावनी समेत दिएको छ ।  

त्यसैगरी, केही मिडिया संस्थाहरूले पित पत्रकारिता प्रदर्शन गर्दै गलत सूचना तथा भ्रामक समाचार फैलाइरहेका घटनाप्रति पनि हाम्रो गम्भीर ध्यानाकर्षण गराएको छ । यस्ता अनैतिक अभ्यासहरूले आम नागरिकको विश्वास कमजोर बनाउने र जिम्मेवार पत्रकारिताको विश्वसनीयता खल्बल्याउने काम गरेको भन्दै समुहले आपत्ती जनाएको छ । 

चौधरी ग्रुप नैतिक व्यवसायप्रति दृढ प्रतिबद्ध रहेको र यसको प्रतिष्ठामा आँच आउने कुनै पनि गतिविधि स्वीकार्य नहुने भन्दै सबैलाई जानकारी गराएको छ । समुहले भनेको छ 'हामी नागरिक समाज, सञ्चारकर्मीहरु र सरोकारवालाहरूलाई सत्य, जवाफदेहिता र नैतिक रिपोर्टिङलाई कायम राख्दै गलत सूचना तथा ठगीपूर्ण गतिविधिहरूको विरुद्ध उभिन आग्रह  गर्दछौं ।'

प्रतिक्रिया दिनुहोस्

सम्बन्धित समाचार

गरिब देशहरुको सहयोगका लागि विश्व बैंकको ९३ अर्ब डलरको वित्तीय प्याकेज

१० वाणिज्य बैंकले ४ महिनामै कमाए अर्ब बढी नाफा, एनआइसी एसियाको सबैभन्दा धेरै

खप्तड लघुवित्तले आईपीओ जारी गर्ने, बिक्री प्रबन्धकमा प्रभु क्यापिटल नियुक्त

८ जिल्लामा विद्युत प्रणाली सुधारको काम सुरु

बिल एकम्यानको रणनीति : सस्तो सेयर किनेर व्यवस्थापन आफ्नै हातमा लिने

तीन कम्पनीको सेयर मूल्य समायोजन