बीमा कम्पनीहरुको बम्पर लाभांश: पूँजी जुटाउनेहरु नगद, नजुटाउनेहरु शेयरमा केन्द्रित, ९ कम्पनीले ७ अर्ब ७२ करोड बाँड्दै

काठमाडौं । यस वर्ष बीमा कम्पनीहरु लाभांश घोषणामा आक्रामक देखिएका छन् । नेपाल बीमा प्राधिकरणले कोभिड १९ पछिको अवस्थामा लाभांश वितरतणमा कडाइ गर्दै आएकोमा पछिल्लो समय बीमा कम्पनीहरु कोषबाट लाभांश वितरण गर्न मिल्नेसम्मको वितरण गरिरहेका छन् । 

यतिवेला नेपाल बीमा प्राधिकरण नेतृत्व विहिन छ । यस अगाडीका कार्यकारी अध्यक्ष सूर्य सिलवालले नेपाल राष्ट्र बैंकलाई पछ्याउदै नगद लाभांश वितरणमा कडाइ गरेका थिए । उनलाई अख्तियारले ताने पछि सरकारले केहि समयका लागि सह सचिव मदन दाहालले जिम्मेवारी दियो । उनि बीमा क्षेत्रका व्यक्ति होइनन् । त्यसमा पनि सरकारी कर्मचारी । अर्को तर्फ बीमा प्राधिकरण कार्यकारी निर्देशक विहिन थियो । यहि मौकामा बीमा कम्पनीहरुले कोष नै रित्तीने गरी लाभांश वितरण गर्ने प्रस्ताव गरे । 

प्राधिकरणका सम्बन्धित विभागका कर्मचारीले पनि सहजै स्वीकृति लिए । चरम आर्थिक मन्दीको समयमा व्यवसायीहरुले यस पटक बीमा क्षेत्रबाट लामो समय पनि नगद लिने मौका पाएका छन् । पूँजी जुटाइसकेको सूर्यज्योति लाइफले यस वर्ष २० प्रतिशत नगद लाभांश दियो । कम्पनीले शेयरधनीलाई नगद मात्रै एक अर्ब रुपैयाँ वितरण गर्यो । 

त्यस्तै नेपाल लाइफले यस वर्ष २१.०५ प्रतिशत लाभांश वितरण गर्दा १० प्रतिशत बोनस शेयर अर्थात ८२ करोड ७ लाख र ११.०५ प्रतिशत नगद लाभांश अर्थात ९० करोड ६९ लाख सहित कुल एक अर्ब ७२ करोड लाभांश वितरण गर्यो । 

आइएमई लाइफले पनि पूँजी जुटाइसकेको अवसर पार्दै यस पटक २१.०५ प्रतिशत नगद अर्थात एक अर्ब ५ करोड वितरण गर्दैछ । चुक्ता पूँजी जुटाउन बाँकी सिटिजन लाइफले भने यस पटक २६.९८ प्रतिशत बोनस शेयर सहित कुल एक अर्ब ११ करोड छुट्टाएको छ । 

निर्जीवन तर्फ सिद्धार्थ प्रिमियले बम्बर लाभांश घोषणा गरेको छ । लामो समयदेखि नगद लाभांश लिन नपाएका शेयरधनीले यस वर्ष ३० प्रतिशत अर्थात ८४ करोड १९ लाख पाउदै छन् । सानिमा जिआइसी र शिखरले बोनस शेयर दिने निर्णय गरेका छन् भने अरु निर्जीवन बीमा कम्पनीहरुले नगद दिने घोषणा गरेका छन् । यसमा अझै ७/८ वटा निर्जीवन बीमा कम्पनीले लाभांश घोषणा गर्न बाँकी छ । यस वर्ष सबै निर्जीवन बीमा कम्पनीहरु लाभांश वितरण गर्न सक्ने अवस्थाका छन् । 

हिमालयन एभरेष्टले ८.७५ प्रतिशत अर्थात २१ करोड ८७ लाख नगद लाभांश वितरण गर्दैछ । सानिमा जिआइसीले ७.५ प्रतिशत बोनस शेयर दिदा पनि अझै न्युनतम पूँजी आवश्यक पर्ने देखिन्छ । आइजिआइ प्रुडेन्सियलले गत वर्ष नै न्युनतम पूँजी जुटाइसकेकाले यस वर्ष ९.७३ प्रतिशत नगद अर्थात २९ करोड ४९ लाख वितरण गर्दैछ । हिमालयन लाइफले आर्थिक वर्ष २०७९/८० बाट भर्खरै १४ प्रतिशत बोनस शेयर वितरण गरेको छ । 

अहिलेसम्मको अवस्थामा आर्थिक वर्ष २०८०/८१ बाट ९ बीमा कम्पनीले ६ अर्ब ७२ करोड लाभांश वितरण गर्ने निर्णय गरिसकेका छन् । जसमा नगद मात्रै ४ अर्ब ३९ करोड छ भने बोनस शेयर २ अर्ब ३२ करोड छ । त्यसैले यस वर्ष लाभांका दृष्टिकोणबाट बीमा क्षेत्रका लागि सबैभन्दा भन्दा राम्रो देखिएको छ ।  

प्रतिक्रिया दिनुहोस्

सम्बन्धित समाचार

तीन कम्पनीको सेयर मूल्य समायोजन

विद्युत खपत बढाउन प्राधिकरणले सुरु गर्यो अभियान

भ्याल्यू स्टक भनेको के हो, कसरी छान्ने यस्ता सेयर ?

बिल एकम्यानको रणनीति : सस्तो सेयर किनेर व्यवस्थापन आफ्नै हातमा लिने

नेशनल लाइफको २० प्रतिशत लाभांश घोषणा

लेखापरीक्षण प्रतिवेदन नबुझाउने विभिन्न बीमा कम्पनीहरूलाई जरीवाना