आइजीआई प्रुडेन्सियल इन्स्योरेन्स लिमिटेड द्वारा अनुपालन तथा एएमएल सिएफटी तालिम तथा सेमिनार सम्पन्न

काठमाडौं । आइजीआई प्रुडेन्सियल इन्स्योरेन्स कम्पनीले अनुपालन तथा एएमएल सिएफटी सम्बन्धी तालिम तथा सेमिना कार्यक्रम सम्पन्न गरेको छ । कम्पनीले यहि फागुन १० गते काभ्रेपलाञ्चोकको बल्थली भिलेज रिसोर्टमा कम्पनीका उच्च व्यवस्थापनको रोहवरमा ७ वटै प्रदेशका प्रमुखहरु, विभागीय प्रमुखहरु, तथा बाग्मति प्रदेश अन्तर्गत काठमाडौँ उपत्यका भित्रका शाखा प्रबन्धकहरु समेतको सहभागितामा कार्यक्रम आयोजना गरेको हो । 

यस अवसरमा कम्पनीका अनुपालन विभागका प्रमुख प्रकाश कोइरालाले उच्च व्यवस्थापन, विभागीय प्रमुख, तथा प्रदेश प्रमुख, शाखा प्रबन्धकहरुलाई अनुपालन तथा AML/CFT को बारेमा विस्तृत रुपमा जानकारी गराएका थिए । सो अवसरमा कम्पनीका प्रमुख कार्यकारी अधिकृत युगेशभक्त बादे श्रेष्ठले हरेक शाखा, प्रदेश तथा विभागीय प्रमुखले आफ्नो दैनिक काम कारवाही गर्दा कम्पनीका नियमक निकायहरुले दिएको निर्देशन त्यसै गरी ऐन नियम, कानून र उच्च व्यवस्थापनबाट समय समयमा जारी हुने परिपत्र समेतको अक्षरस पालना गरी ग्राहकहरुलाई सेवा प्रदान गर्नुपर्ने साथै आफ्नो दैनिक काम कारवाहीमा सोलाई पूर्ण रुपमा पालना गरी अगाडी बढ्न निर्देशन दिएका छन् ।

सोही अवसरमा श्रेष्ठले सबै विभागीय प्रमुख मार्फत सबै विभागका कर्मचारीहरुलाई तथा प्रदेश प्रमुख मार्फत शाखाका सम्पूर्ण कर्मचारीहरुलाई दैनिक रुपमा हरेक कार्य गर्दा तयार गर्नुपर्ने ग्राहक पहिचान, ऐन, नियम, निर्देशन तथा परिपत्रहरुको पालना गरेर मात्र कार्य गर्न निर्देशन दिए । 

प्रतिक्रिया दिनुहोस्

सम्बन्धित समाचार

तीन कम्पनीको सेयर मूल्य समायोजन

विद्युत खपत बढाउन प्राधिकरणले सुरु गर्यो अभियान

भ्याल्यू स्टक भनेको के हो, कसरी छान्ने यस्ता सेयर ?

बिल एकम्यानको रणनीति : सस्तो सेयर किनेर व्यवस्थापन आफ्नै हातमा लिने

नेशनल लाइफको २० प्रतिशत लाभांश घोषणा

लेखापरीक्षण प्रतिवेदन नबुझाउने विभिन्न बीमा कम्पनीहरूलाई जरीवाना