गौतम बुद्ध अन्तर्राष्ट्रिय विमानस्थलमा यात्रु आवागमनमा वृद्धि

काठमाडौै, फागुन २२ गते । भैरहवास्थित गौतम बुद्ध अन्तर्राष्ट्रिय विमानस्थलबाट फेब्रुअरीमा छ हजार ७७९ यात्रुको आवागमन भएको छ । विमानस्थलबाट अन्तर्राष्ट्रिय उडान सुरु भएपछि फेब्रुअरीमा अहिलेसम्मकै सबैभन्दा धेरै यात्रु आएको विमानस्थलका महाप्रबन्धक प्रतावबाबु तिवारीले जानकारी दिए । 

फेब्रुअरीमा ११५ उडान अवतरणमार्फत छ हजार ७७९ यात्रुको आवागमन भएको हो । फ्लाई दुबईबाट दुई हजार ४०३, जजिरा एयरवेजबाट तीन हजार २६५ र थाई एयर एसियाबाट एक हजार ९७ यात्रुको आवागमन भएको उनले जानकारी दिए । 

त्यस्तै नेपाल एयरलाइन्सका एक र अन्य १३ चार्टर उडानबाट २११ जना विदेशी यात्रुको आवागमन भएको विमानस्थल कार्यालयले जनाएको छ । त्रिभुवन विमानस्थलसँग जोडिएर उडान गर्ने नेपाल एयरलाइन्स र फ्लाई दुबईमा चार हजार ४० ट्रान्जिट यात्रुले हवाईयात्रा गरेको विमानस्थलले जनाएको छ । 

जनवरी २०२५ मा एक हजार ३६५, डिसेम्बर २०२४ मा तीन हजार ८७८ र नोभेम्बर २०२४ मा चार हजार २७९ यात्रुको आवागमन भएको थियो ।

गौतम बुद्ध अन्तर्राष्ट्रिय विमानस्थलबाट यात्रुको चाप बढ्दै गएपछि विमानस्थल कार्यालयसहित पर्यटन व्यवसायीले आशाको सञ्चार जागेको बताएका छन् । पर्यटन व्यवसायी चन्द्रबहादुर थापाले विमानस्थलबाट नियमित रूपमा अन्तर्राष्ट्रिय उडानसँगै यात्रुको सङ्ख्यामा वृद्धि भएपछि पर्यटन क्षेत्रमा उत्साह जगाएको बताए । उनले विमानस्थललाई दिगो रूपमा सञ्चालन गर्नका लागि सरकारले पूर्वाधार विकास र आवश्यक कार्यालय स्थापनामा जोड दिनुपर्ने बताए । 

प्रतिक्रिया दिनुहोस्

सम्बन्धित समाचार

गरिब देशहरुको सहयोगका लागि विश्व बैंकको ९३ अर्ब डलरको वित्तीय प्याकेज

१० वाणिज्य बैंकले ४ महिनामै कमाए अर्ब बढी नाफा, एनआइसी एसियाको सबैभन्दा धेरै

खप्तड लघुवित्तले आईपीओ जारी गर्ने, बिक्री प्रबन्धकमा प्रभु क्यापिटल नियुक्त

८ जिल्लामा विद्युत प्रणाली सुधारको काम सुरु

बिल एकम्यानको रणनीति : सस्तो सेयर किनेर व्यवस्थापन आफ्नै हातमा लिने

तीन कम्पनीको सेयर मूल्य समायोजन