सुदूरपश्चिम, धनगढीमा पञ्चकन्या ग्रुपको प्रिमियम बाथवेयर लाइनको भव्य शुभारम्भ

काठमाडौं ।  पञ्चकन्या ग्रुप, जुन नेपालमा विश्वास, गुणस्तर र नवीनताको पर्याय बनिसकेको छ,ले आफ्नो नयाँ ब्रान्ड पञ्चकन्या बाथवेयर को धनगढीमा औपचारिक शुभारम्भ गरेको छ। यो नयाँ प्रयासले नेपालको बाथवेयर बजारमा लामो समयदेखि देखिएको समस्या अत्यधिक महँगा प्रिमियम उत्पादन र सस्तो तर न्यून गुणस्तरका विकल्पबीच सीमित रोजाइलाई सम्बोधन गर्ने उद्देश्य राखेको छ।

पञ्चकन्या बाथवेयरले सुचिन्तित रूपमा डिजाइन गरिएको प्रिमियम स्तरको ट्याप, सावर र अन्य सहायक उपकरणहरू प्रस्तुत गर्दैछ, जसले विलासिता, पहुँचयोग्यता, र दीर्घकालीन भरपर्दोपनलाई एकैसाथ जोड्दछ। डिजाईन उत्कृष्टता र दिगोपनमा केन्द्रित यो ब्रान्डले नेपाली घरपरिवार तथा व्यवसायिक स्थलहरूको दैनन्दिन अनुभवलाई नयाँ परिभाषा दिने उद्देश्य राख्दछ।

धनगढीमा आयोजित डिलर लञ्च कार्यक्रमलाई स्थानीय व्यवसायिक संघ, शिक्षा, होटल तथा निर्माण क्षेत्रका ६० भन्दा बढी विशिष्ट अतिथिहरूको उल्लेखनीय उपस्थितिले अझ भव्य बनायो। पञ्चकन्या ग्रुपका निर्देशक अशिक श्रेष्ठले कम्पनीको गुणस्तर र नवप्रवर्तनमा केन्द्रित प्रतिबद्धता प्रस्तुत गर्दै बाथवेयर बजारमा ब्रान्डको दृष्टिकोण, विशेषता र यसको दीर्घकालीन सम्भावनाहरूबारे प्रकाश पार्नुभयो।पञ्चकन्या बाथवेयरका सेल्स हेड बसन्त रिजालले उत्पादनको विशेषता, सेवा प्रत्याभूति र आगामी रणनीतिबारे सहभागीहरूलाई जानकारी दिए।

कार्यक्रममा विभिन्न क्षेत्रका विशिष्ट व्यक्तिहरूको गरिमामय उपस्थिति रहेको थियो। सहभागीहरूमा उद्योग व्यवसायी संघ कैलालीका बरिष्ठ उपाध्यक्ष पुष्कर ओझा, चौधरी कन्स्ट्रक्सनका प्रबन्ध निर्देशक चेडुलाल चौधरी, निर्माण व्यवसायी संघका केन्द्रीय उपाध्यक्ष प्रकाश सेठी, स्ट्रीमलाइन इन्जिनियरिङका निर्देशक मुकेश जोशी, नेत्रेश्वरी इन्टरप्राइजेजका निर्देशक अमित भोजानिया, हार्डवेयर एसोसिएसन कैलालीका अध्यक्ष कुबेर शाही, गणपती ट्रेडलिंकका प्रबन्ध निर्देशक छबी भण्डारी, सनलाइट होटलका सञ्चालक दीर्घ जोशी, क्रेसेन्ट सिटी स्कुलका अध्यक्ष हरि रेग्मी, चौलानी ग्रुपका प्रबन्ध निर्देशक मान सिंह साउद, पद्म अस्पतालका प्रबन्ध निर्देशक जय पृथ्वी चन्द, होटल जलसाका सञ्चालक तथा निर्देशक प्रदीप थापा, नेपाल वेस्टर्न एकेडेमीका प्रबन्ध निर्देशक शैलेश कुमार सिंह, बीबीसी कन्सल्टेन्टका प्रबन्ध निर्देशक कृष्ण गोपाल भण्डारी, सेरा इन्जिनियरिङका प्रबन्ध निर्देशक बिरेन्द्र जोशी, प्लम्बर एसोसिएसनका अध्यक्ष हीरालाल चौधरी, र होटल एसोसिएसन कैलालीका अध्यक्ष केशर पाण्डे रहेका थिए। 

कार्यक्रमले उत्पादनको परिचय मात्र नभई नेपालको बाथवेयर उद्योगको भविष्यबारे अर्थपूर्ण छलफलको माध्यम पनि बन्यो। सहभागीहरूको उत्साही सहभागिताले गुणस्तर र पहुँचयोग्यता सन्तुलन गर्ने ब्रान्डप्रति बजारको सकारात्मक तत्परतालाई पुष्टि गरेको छ।

पञ्चकन्या समूहको बारेमा

पञ्चकन्या समूहले नेपालमा विभिन्न विकास निर्माण कार्यको लागि उच्च गुणस्तर र दिगो समाधानहरू प्रदान गर्दै आएको छ। पञ्चकन्या बाथवेयरको परिचय कम्पनीको इतिहासमा एक अर्को महत्वपूर्ण कदम हो, जसले नेपाली उपभोक्ताको जीवनलाई सुधार्ने उत्पादनहरू उपलब्ध गराउने काम गर्दछ।

प्रतिक्रिया दिनुहोस्

सम्बन्धित समाचार

गरिब देशहरुको सहयोगका लागि विश्व बैंकको ९३ अर्ब डलरको वित्तीय प्याकेज

१० वाणिज्य बैंकले ४ महिनामै कमाए अर्ब बढी नाफा, एनआइसी एसियाको सबैभन्दा धेरै

खप्तड लघुवित्तले आईपीओ जारी गर्ने, बिक्री प्रबन्धकमा प्रभु क्यापिटल नियुक्त

८ जिल्लामा विद्युत प्रणाली सुधारको काम सुरु

बिल एकम्यानको रणनीति : सस्तो सेयर किनेर व्यवस्थापन आफ्नै हातमा लिने

तीन कम्पनीको सेयर मूल्य समायोजन