एनआइसी एसिया लघुवित्तको ९ महिनामा १३ लाख खुद नाफा, खुद ब्याज आम्दानी करिब ५० करोड

काठमाडौं, वैशाख २६ । एनआइसी एसिया लघुवित्त वित्तीय संस्था लिमिटेडले चालु आर्थिक वर्षको पहिलो ९ महिनामा (तेस्रो त्रैमाससम्म) १२ लाख ९८ हजार रुपैयाँ खुद नाफा आर्जन गरेको छ।

यो अघिल्लो वर्षको सोही अवधिको तुलनामा ३.४३ प्रतिशतले बढी हो। गत वर्ष सो अवधिमा कम्पनीले १२ लाख ५५ हजार रुपैयाँ नाफा कमाएको थियो।

यस अवधिमा लघुवित्तको खुद ब्याज आम्दानी ४९ करोड ५९ लाख रुपैयाँमा झरेको छ, जुन अघिल्लो वर्षको ६२ करोड ७२ लाख रुपैयाँभन्दा कम हो। यता, ६ करोड ५२ लाख रुपैयाँ बराबरको इम्पेयरमेन्ट चार्ज (ऋण जोखिम व्यवस्था) रिभर्स भएको देखिन्छ।

संस्थाको सञ्चालन खर्च अघिल्लो वर्षको ५१ करोड ८ लाख रुपैयाँबाट बढेर यस वर्ष ६२ करोड ६७ लाख रुपैयाँ पुगेको छ। यद्यपि, लघुवित्तको वितरणयोग्य नाफा भने ३ करोड ७ लाख रुपैयाँ रहेको छ, जुन गत वर्षको तुलनामा ८४.१५ प्रतिशतले कम हो।

एनआइसी एसिया लघुवित्तको चुक्ता पुँजी १ अर्ब ७३ करोड ९४ लाख रुपैयाँ रहेको छ भने जगेडा कोषमा ७९ करोड १० लाख रुपैयाँ सञ्चित छ। यस अवधिमा कम्पनीको प्रति शेयर आम्दानी (EPS) १० पैसा कायम छ भने प्रति शेयर नेटवर्थ १४७.२४ रुपैयाँ रहेको छ।

तर, कम्पनीको गैर-सञ्चल ऋण (NPL) अनुपात १३.५५ प्रतिशत पुगेको छ, जुन लघुवित्त क्षेत्रका लागि जोखिम सूचकांकको रूपमा हेरिएको छ।

यस आर्थिक वर्षमा लघुवित्तको नाफा घटेपनि खर्च र ऋण जोखिम व्यवस्थापनका पक्षमा केही सुधार देखिएको विश्लेषकहरू बताउँछन्।

प्रतिक्रिया दिनुहोस्

सम्बन्धित समाचार

१० वाणिज्य बैंकले ४ महिनामै कमाए अर्ब बढी नाफा, एनआइसी एसियाको सबैभन्दा धेरै

तीन कम्पनीको सेयर मूल्य समायोजन

विद्युत खपत बढाउन प्राधिकरणले सुरु गर्यो अभियान

भ्याल्यू स्टक भनेको के हो, कसरी छान्ने यस्ता सेयर ?

बिल एकम्यानको रणनीति : सस्तो सेयर किनेर व्यवस्थापन आफ्नै हातमा लिने

७० औं अन्तर्राष्ट्रिय भन्सार दिबसमा के एल दुगड समुहका श्याम सुन्दर कनोडिया सम्मानित