![$adHeader[0]['title']](https://bfisnews.com/images/bigyapan/1741451017_Paywear-850-x-150-px-1.gif)
शेयर बजारको सर्वाधिक महंगो युनिलिभर नेपालको मुनाफामा सानो गिरावट, प्रतिशेयर आम्दानी २०७४ रुपैयाँ
- BFIS News
- 2025 May Sun 12:10
काठमाडौं, वैशाख २९ । शेयर बजारको सर्वाधिक महंगो शेयर मूल्य रहेको युनिलिभर नेपाल लिमिटेडले आर्थिक वर्ष २०८१/८२ को तेस्रो त्रैमासिकमा रु. ४८.२२ करोड खुद नाफा कमाएको छ। यो अघिल्लो वर्षको सोही अवधिको रु. ४८.६१ करोडको तुलनामा ०.८० प्रतिशतले कम हो।
कम्पनीको वार्षिक प्रतिशेयर आम्दानी (EPS) पनि सामान्य रूपमा घट्दै रु. २०७४ मा झरेको छ, जुन अघिल्लो वर्षको रु. २२०२ थियो।
नाफामा थोरै गिरावट आए पनि युनिलिभर नेपालको सञ्चित नाफा ९.१४ प्रतिशतले बढेर रु. ४.६४ अर्ब पुगेको छ, जसले कम्पनीको बलियो रिजर्भ बेसलाई संकेत गर्छ। तर, सञ्चालन आम्दानी २ प्रतिशतले घटेर रु. २.०२ अर्बमा झरेको छ भने अन्य आम्दानी पनि १६.९४ प्रतिशतले घटेर रु. ६.०८ करोडमा सीमित भएको छ।
यस अवधिमा कम्पनीले कुल खर्च २.६४ प्रतिशतले घटाएर रु. १.४१ अर्बमा ल्याउन सफल भएको छ, जसले घट्दो आम्दानीको असर केही हदसम्म न्यूनीकरण गर्न मद्दत गरेको देखिन्छ।
कम्पनीको सम्पत्ति पक्ष हेर्दा, युनिलिभर नेपालले स्थायी निक्षेपमा गरेको लगानी १४.२३ प्रतिशतले बढाएर रु. १.८० अर्ब पुर्याएको छ। साथै, स्टक पनि १५.५९ प्रतिशतले बढेर रु. १.१३ अर्ब पुगेको छ। तर, व्यापारिक ऋणपत्र (ट्रेड रिसिभेबल्स) र नगद तथा नगद समकक्ष रकममा भने थोरै गिरावट आएको छ।
यस त्रैमासिकको प्रमुख आकर्षण भनेको प्रतिशेयर नेटवर्थमा भएको ६१.८६ प्रतिशतको तीव्र वृद्धि हो, जुन बढेर रु. ५,१४८ पुगेको छ। अघिल्लो वर्ष यो रु. ३,१८०.६७ मात्र थियो। त्रैमासिकको अन्त्यसम्म कम्पनीको सेयर मूल्य रु. ४६,६०३ थियो भने P/E अनुपात ६६.८ रहेको छ।
शेयर गर्नुहोस
प्रतिक्रिया दिनुहोस्
सम्बन्धित समाचार
.jpg)
प्रतिक्रिया