एभरेष्ट कलर लिमिटेडले आईपीओ मूल्य प्रतिकित्ता १०० रुपैयाँ कायम, नयाँ स्वतन्त्र निर्देशक नियुक्त

काठमाडौं, ८ जेठ। एभरेष्ट कलर लिमिटेडले विशेष वार्षिक साधारणसभा सम्पन्न गर्दै सार्वजनिक निष्कासन (आईपीओ) को मूल्य प्रतिकित्ता १०० रुपैयाँ निर्धारण गर्ने निर्णय गरेको छ।

कम्पनीको केन्द्रीय कार्यालय कौशलटार, भक्तपुरमा बसेको सभाले यसअघि प्रस्ताव गरिएको ५० रुपैयाँको मूल्यलाई संशोधन गर्दै नयाँ प्रस्ताव पारित गरेको हो।

नयाँ प्रस्तावअनुसार कम्पनीले ३० करोड रुपैयाँबराबरको आईपीओ निष्कासन गर्नेछ, जसअन्तर्गत ७ लाख ९० हजार कित्ता सेयर (कुल जारी पूँजीको २६.३३ प्रतिशत) सर्वसाधारणका लागि प्रतिकित्ता १०० रुपैयाँमा जारी गरिनेछ।

सभाको अध्यक्षता सञ्चालक समितिका अध्यक्ष महेश्वर खनालले गरेका थिए। सभाले कपिल देव महतोलाई स्वतन्त्र निर्देशकको रूपमा नियुक्त गरेको छ। साथै, साधारण तथा विशेष प्रस्तावहरू पारित गर्दै कम्पनीले आगामी योजनाका लागि मार्गनिर्देश तय गरेको छ।

एभरेष्ट कलर लिमिटेडले गुणस्तरीय उत्पादनमार्फत पूर्वाधार विकासमा योगदान दिने तथा रोजगारी सृजना गर्ने लक्ष्य लिएको जनाएको छ। कम्पनीलाई केयर रेटिङ्स नेपालले ‘बीबी माइनस (BB-)’ को रेटिङ प्रदान गरेको छ।

प्रतिक्रिया दिनुहोस्

सम्बन्धित समाचार

गरिब देशहरुको सहयोगका लागि विश्व बैंकको ९३ अर्ब डलरको वित्तीय प्याकेज

१० वाणिज्य बैंकले ४ महिनामै कमाए अर्ब बढी नाफा, एनआइसी एसियाको सबैभन्दा धेरै

खप्तड लघुवित्तले आईपीओ जारी गर्ने, बिक्री प्रबन्धकमा प्रभु क्यापिटल नियुक्त

८ जिल्लामा विद्युत प्रणाली सुधारको काम सुरु

बिल एकम्यानको रणनीति : सस्तो सेयर किनेर व्यवस्थापन आफ्नै हातमा लिने

तीन कम्पनीको सेयर मूल्य समायोजन