सूर्योदय वोमी लघुवित्त वित्तीय संस्थाद्धारा कुशन बनाउने तालिम सम्पन्न

BFIS News
2025 May Sun 12:45

सूर्योदय वोमी लघुवित्त वित्तीय संस्थाद्धारा कुशन बनाउने तालिम सम्पन्न

काठमाडौं। सूर्योदय वोमी लघुवित्त वित्तीय संस्था लिमिटेड शाखा कार्यालय घुम्तिबजार, रसुवा अन्तर्गतको केन्द्र/समूहमा आवद्ध सदस्यहरुको मिति २०८२।०२।१० गते शनिवार रसुवा जिल्लाको घुम्तिबजारमा १ दिवसिय कुशन बनाउने तालिम सम्पन्न भएको छ ।

शाखामा आबद्ध भई प्रत्यक्ष रुपमा कारोबार गरेका ५० जना सदस्यहरुको सहभागितामा उक्त कार्यक्रम सम्पन्न भएको हो । संस्थाले विभिन्न शाखा कार्यालयहरुमा यस्ता किसिमका आयमुलक र उत्पादनमूलक तालिम समेत गर्दै आइरहेको छ ।

शाखामा कार्यरत कर्मचारी शिवशंकर आलेले कार्यक्रमको सहजिकरण गरेका थिए, भने कार्यक्रममा कर्पोरेट कार्यालयका भरत काफ्ले, बट्टार शाखाका शाखा प्रमुख शुसिल कुमार श्रेष्ठ, घुम्तिबजार शाखाका शाखा प्रमुख सोबना भुजेल लगायत शाखामा कार्यरत कर्मचारीहरुको सहभागिता रहेको थियो ।

कार्यक्रमको उद्घाटन कालिका गा.पा. वडा प्रतिनिधि किप्पा छिरिङ स्याङ्वाले गरेका थिए। उनले कार्यक्रमको उद्घाटन सत्रमा बोल्दै सदस्यहरुको जिवनस्तर उकास्नको लागि विभिन्न उत्पादनमुखि तालिम, वित्तीय साक्षरता लगायत सदस्यमैत्री तालिमहरु सञ्चालन गर्न र संस्थालाई स्थानिय निकायसंग समन्वय गरी कार्यक्रम थप विस्तारमा समेत साथ सहयोग गर्ने प्रतिबद्धता समेत गरेका थियो ।

कर्पोरेट कार्यालयमा कार्यरत भरत काफ्लेले संस्थाको परिचय, संस्थाले प्रदान गर्दै आएको सेवा सूविधा बारेमा जानकारी दिदै वित्तीय ज्ञान, सीप र व्यवहारमा सुधार ल्याई वित्तीय सक्षमता अभिबृद्धिका माध्यमले विवेकशिल वित्तीय निर्णय लिन सघाउने र यसको माध्यमबाट व्यक्तिको आर्थिक समृद्धिमा योगदान गर्ने उदेश्य समेत रहेको बताए ।

साथै कर्पौरेट कार्यालय महालक्ष्मी–०४, ललितपुरमा रहेको वित्तीय संस्थाले विगत १३ वर्षदेखि हाल राष्ट्रियस्तर कार्यक्षेत्र बनाई ५५ जिल्लामा १७० वटा शाखा कार्यालयको माध्यमबाट करिब १ लाख ७० हजार सदस्यहरुलाई निरन्तर विपन्न वर्गको उत्थानमा कार्य गर्दे आएको छ भनि संस्थाको जोखिम व्यवस्थापन तथा असुलि विभागमा कार्यरत भरत काफ्लेले जानकारी दिएका थिए ।