शेयर बजार बुलिस ट्रेण्डमा, लामो समयको व्यग्र प्रतिक्षा पछि बढेको बजारमा राहात महशुस गर्दै लगानीकर्ता
- BFIS News
- 2025 Jul Tue 15:19
काठमाडौं। शेयर बजार बुलिस ट्रेण्डमा देखिएको छ। लामो समयको व्यग्र प्रतिक्षा पछि बढ्न थालेको शेयर बजारमा आक्रामक शैलीमा कारोबार भइरहेको छ। कारोबार मात्रै बढेको छैन सूचकमा पनि व्यापक सुधार भएको छ।
मंगलबार नेप्से सूचक ८१.७७ अंकले सुधार हुँदा २० अर्ब ८ करोडको कारोबार भएको छ। आजको सुधारले धेरै लगानीकर्ताले राहात महशुस गरेका छन्। आज नेप्से सूचक २.८२ प्रतिशतले बढेर २९७४ अंकमा रोकिएको छ। एक वर्ष अगाडी ३ हजार अंक पुगेर ओरालो झरेको शेयर बजारले यस वर्ष भने अहिलेसम्मकै सर्वाधिक उच्चतम विन्दु ३१९९ अंकलाई तोडेर अगाडी बढ्ने देखिएको छ। यहि शैलीमा बजार बढ्दै गयो भने लगानीकर्ताले ठुलै राहात महशुस गर्नेछन्।
आज ट्रेड टावर, शिवम सिमेन्ट तथा सान्भि इनर्जीको शेयर मूल्यमा सकारात्मक सर्किट लागेको छ। आज लघुवित्त वित्तीय संस्था तथा उत्पादन तथा प्रशोधनमुलक कम्पनीको शेयर मूल्यमा सबैभन्दा धेरै सुधार देखिएको छ। २३६ वटा कम्पनीको शेयर मूल्यमा सुधार आउदा १३ वटाको शेयर मूल्य भने घटेको छ। नेपाल पुनर्बीमा कम्पनी, शिवम सिमेन्ट हिमालयन रिइन्स्योरेन्स कम्पनीको सर्वाधिक धेरै कारोबार भएको छ।
शेयर बजार बुलिस ट्रेण्डमा जानुका प्रमुख कारणहरू
१. ब्याजदरमा गिरावट
नेपाल राष्ट्र बैंकले बैंकहरूको ब्याजदर घटाएपछि मानिसहरूले निक्षेपभन्दा शेयर बजारतिर लगानी बढाएका छन्। कम ब्याजदरले ऋण सस्तो बनाउँछ, जसले लगानी र शेयर खरीदमा वृद्धि ल्याउँछ। अहिले निक्षेपको व्याजदर ३/४ प्रतिशत छ भने कर्जा ६/७ प्रतिशतमै पाउन सक्ने अवस्था छ। यो भुकम्प पछिकै सबैभन्दा कम व्याजदर हो।
२. तरलता (Liquidity) को वृद्धि
बैंक तथा वित्तीय संस्थाहरूमा प्रशस्त तरलता हुँदा लगानीकर्ताहरूले शेयर बजारमा रकम लगानी गर्न थालेका छन्। रकमको सजिलो उपलब्धता बुलिस ट्रेण्डलाई सहयोग पुर्याउने मुख्य कारक हो। बैंकिङ प्रणालीमा अहिले तरलता थुप्रिएको छ। नयाँ क्षेत्रमा कर्जा नजादा बैंकहरु अहिले कर्जाका क्षेत्रहरु खोजिरहेका छन्। शेयर बजारका लागि भने अधिक तरलता स्वर्णिम समय हो।
३. लगानीकर्ताको विश्वासमा वृद्धि
आर्थिक सुधारका संकेतहरू, राजनीतिक स्थायित्व, र सरकार वा राष्ट्र बैंकबाट सकारात्मक नीति आउनुले लगानीकर्तामा विश्वास बढेको हुन्छ। विश्वास बढेपछि मानिसहरू थप जोखिम लिने मनोवृत्तिमा देखिन्छन्। सरकार परिवर्तनका कतिपय हल्लाहरु अहिले हट्दै गइरहेका छन्। भारतीय प्रधानमन्त्री नरेन्द्र मोदी तथा नेपालीका प्रधानमन्त्री केपि शर्मा वलीको भेटघाट हुने विषयले थप हौस्याएको छ भने विद्यादेवी भण्डारी र केपि ओलीको भेटले पनि लगानीकर्तामा कन्फिडेन्स बढाएको छ।
४. IPO/FPO तथा नयाँ कम्पनीहरूको प्रवेश
नयाँ कम्पनीहरूको Initial Public Offering (IPO) मा अत्यधिक चासो देखिएको छ। यसले बजारमा नयाँ लगानीकर्ता भित्र्याएको छ, जसले बजारको समग्र माग बढाएको छ। आधार मूल्यमा सूचिकृत हुने कम्पनीको शेयर मूल्य कम्तिमा पनि ३००/४०० ले बढिरहेको छ। जसले नेप्से सूचक सुधारमा मद्दत पुर्याइरहेको छ।
५. प्राविधिक तथा मनोवैज्ञानिक ट्रेण्ड
शेयर बजारले जब लगातार उकालो यात्रा गर्छ, त्यो देखेर नयाँ लगानीकर्ताहरू FOMO (Fear of Missing Out) को कारण बजारमा प्रवेश गर्छन्। यसले माग थप बढाउँछ। बजारमा अहिले प्राविधिक विश्लेषण गरेर शेयर खरिद बिक्री गर्ने ट्रेण्ड बढ्दो छ। यसले गर्दा यसको प्रभाव पनि बढि छ।
६. अनलाइन ट्रेडिंग र डिजिटल पहुँच
Nepse TMS जस्ता प्लेटफर्महरूको विकासले शेयर कारोबारलाई सजिलो बनाएको छ। डिजिटल माध्यमले सहज पहुँच दिन थालेपछि बढी मानिस बजारमा आकर्षित भएका छन्। अहिले नेपालीहरुले स्वदेश विदेशबाट कारोबार भइरहेको छ।
७. दिगो राजनीतिक अवस्था वा सकारात्मक नीति घोषणाहरू
राजनीतिक स्थायित्व वा सरकार/राष्ट्र बैंकबाट शेयर बजारमैत्री नीति आएको खण्डमा बजारमा सकारात्मक संकेत देखिन्छ, जसले बुल ट्रेण्डलाई बल दिएको छ।
८. बाह्य लगानीकर्ताको प्रवेश
विदेशी लगानीकर्ताहरूको सहभागिता (वा सम्भावना मात्र भए पनि) शेयर बजारप्रति विश्वास बढाउने संकेत मानिन्छ। यसले पनि बजारमा आशावादी सोच ल्याउँछ। अहिले बजारमा नयाँ पुराना सबै किसिमका लगानीकर्ताको प्रवेश भएको छ। ब्रोकर, म्युचुअल फण्ड, इन्भेष्टमेन्ट कम्पनी, बीमा कम्पनी, मर्चेन्ट बैंक लगायत धेरैको पहिलो रोजाइ शेयर बजार परेको छ। यहि अवस्थामा बजारमा राम्रो आम्दानी गर्न सकिने अभिलाशाले पनि बजारमा सुधार ल्याउन मद्दत पुर्याएको छ।
शेयर गर्नुहोस
प्रतिक्रिया दिनुहोस्
सम्बन्धित समाचार
प्रतिक्रिया