नेपाल माइक्रो इन्स्योरेन्सद्वारा नेपालकै पहिलो ‘विद्यार्थी सुरक्षा लघु बीमा योजना’, १५० रुपैयाँमै कभरेज

काठमाडौं। नेपाल माइक्रो इन्स्योरेन्स कम्पनीले नेपालको बीमा क्षेत्रमा ऐतिहासिक कदम चाल्दै नेपालकै पहिलो विद्यार्थी सुरक्षा लघु बीमा योजना सार्वजनिक गरेको छ। कम्पनीले वार्षिक केवल १५० रुपैयाँ अर्थात् प्रतिदिन ०.४१ रुपैयाँको न्यूनतम शुल्कमा यो योजना ल्याएको हो।

विद्यार्थीहरूलाई लक्षित गरी विशेष रूपमा डिजाइन गरिएको यो योजना स्कूले बालबालिकालाई दुर्घटनाका बेला वित्तीय सुरक्षा प्रदान गर्नेतर्फ केन्द्रित छ। कम्पनीले “सानो प्रिमियम, ठूलो केयर” भन्ने नारासहित यो बीमा योजना प्रस्तुत गरेको हो।

बीमाले दिने कभरेज

नेपाल माइक्रो इन्स्योरेन्स कम्पनी द्वारा विद्यार्थी सुरक्षित योजना स्कूले विद्यार्थीहरूको लागि विशेष रूपमा डिजाइन गरिएको दुर्घटना लघु बीमा पोलिसी हो। यसले अप्रत्याशित घटनाहरूको अवस्थामा वित्तीय सुरक्षा र सहयोग प्रदान गर्दछ। यो योजनाले स्थायी र आंशिक अशक्तता, शिक्षण शुल्क, झोला र पुस्तक, एम्बुलेन्स लागत, चिकित्सा खर्च, र मनोवैज्ञानिक परामर्शलाई समेट्छ।

कम्पनीले "शिक्षासँगै सुरक्षा पनि" भन्ने मूल नारासहित देशभरका सबै स्कुलका विद्यार्थीलाई लक्षित गर्दै बीमा योजना विस्तार गर्ने योजना बनाएको छ। कम्पनीको विश्वास छ कि यस्तो बीमा योजनाले अभिभावकहरूको मनोबल उच्च बनाउनुका साथै विद्यार्थीहरूलाई सुरक्षित वातावरण निर्माणमा सहयोग पुर्‍याउनेछ।

कम्पनीका प्रमुख कार्यकारी अधिकृत मृगेन्द्रनाथ रिमालका अनुसार, “हिमालका दुर्गम पहाडदेखि काठमाडौं उपत्यकाका व्यस्त शहरहरूसम्मका ग्राहकहरूको सेवा गर्न पाउँदा हामी गर्व गर्छौं। हाम्रो यात्रा अहिले मात्र सुरु भएको छ, र नेपालका जनतालाई किफायती, सरल र पहुँचयोग्य बीमा समाधान प्रदान गर्ने हाम्रो प्रतिबद्धतामा हामी दृढ छौं।”

“परम्परागत बीमा प्रणाली औसत नेपाली परिवारका लागि महँगो र जटिल हुने हुँदा हामीले बीमालाई सरल, सुलभ र किफायती बनाउन माइक्रो इन्स्योरेन्स प्लेटफर्मको विकास गरेका हौं।” उनले भनेका छन्।

डिजिटल सुविधा

नेपाल माइक्रो इन्स्योरेन्सले प्रविधिमा व्यापक लगानी गर्दै आफ्नै मोबाइल एप्लिकेशनमार्फत ग्राहकलाई बीमा खरिद तथा व्यवस्थापन गर्ने सुविधा प्रदान गरिहरेको छ। यसले जटिल कागजी प्रक्रिया हटाई घरमै बसेर सरल रूपमा सेवा लिन सकिने वातावरण बनाएको छ।

यसरी, नेपाल माइक्रो इन्स्योरेन्सको यो नयाँ पहलले बीमा क्षेत्रमा एक नयाँ युगको सुरुवात गर्दै विद्यार्थी तथा अभिभावकहरूलाई सस्तो, सरल र भरपर्दो सुरक्षा प्रदान गर्ने अपेक्षा गरिएको छ।

प्रतिक्रिया दिनुहोस्

सम्बन्धित समाचार

तीन कम्पनीको सेयर मूल्य समायोजन

विद्युत खपत बढाउन प्राधिकरणले सुरु गर्यो अभियान

भ्याल्यू स्टक भनेको के हो, कसरी छान्ने यस्ता सेयर ?

बिल एकम्यानको रणनीति : सस्तो सेयर किनेर व्यवस्थापन आफ्नै हातमा लिने

नेशनल लाइफको २० प्रतिशत लाभांश घोषणा

लेखापरीक्षण प्रतिवेदन नबुझाउने विभिन्न बीमा कम्पनीहरूलाई जरीवाना