बाजुरामा स्वास्थ्यकर्मीले बाटोमै सुत्केरी सेवा, आमा–छोरा दुबै सुरक्षित

बाजुरा, कात्तिक १४ गते। बाजुराको बुढीगङ्गा नगरपालिका–७, झाली बर्थिङ सेन्टरमा कार्यरत स्वास्थ्यकर्मी बिनिता विष्टले बाटोमै सुत्केरी सेवा दिएर आमा र नवजात शिशुको ज्यान बचाउन सफल भएकी छन्।

शुक्रबार बिहान बुढीगङ्गा–७, सिमलकोटकी अन्दाजी २५ वर्षीया सिर्जना केसीलाई बाटोमै सुत्केरी व्यथा लागेपछि स्वास्थ्यकर्मी विष्टले तत्कालै पुगेर सुरक्षित प्रसूति गराएकी हुन्।

केसीले यसअघि पनि गर्भजाँचका लागि त्यसै बर्थिङ सेन्टर र अछामस्थित बयालपाटा अस्पतालमा परामर्श लिएकी थिइन्। शुक्रबार बिहान अचानक तीव्र प्रसव पीडा भएपछि बर्थिङ सेन्टरसम्म पुग्न नसक्ने अवस्था थियो।

“उहाँका श्रीमान्ले फोन गरेर जानकारी दिनुभयो, त्यसपछि म तुरुन्तै त्यहाँ गएँ र बाटोमै सुत्केरी सेवा दिएँ,” स्वास्थ्यकर्मी विष्टले बताइन्।

सकुशल जन्मिएको बालकको तौल तीन किलो रहेको र आमा–छोरादुवैको स्वास्थ्य अवस्था सामान्य रहेको उनले जानकारी दिइन्।

प्रतिक्रिया दिनुहोस्

सम्बन्धित समाचार

गरिब देशहरुको सहयोगका लागि विश्व बैंकको ९३ अर्ब डलरको वित्तीय प्याकेज

१० वाणिज्य बैंकले ४ महिनामै कमाए अर्ब बढी नाफा, एनआइसी एसियाको सबैभन्दा धेरै

खप्तड लघुवित्तले आईपीओ जारी गर्ने, बिक्री प्रबन्धकमा प्रभु क्यापिटल नियुक्त

८ जिल्लामा विद्युत प्रणाली सुधारको काम सुरु

बिल एकम्यानको रणनीति : सस्तो सेयर किनेर व्यवस्थापन आफ्नै हातमा लिने

तीन कम्पनीको सेयर मूल्य समायोजन