लिग–२ मा नेपालको अन्तिम खेल बुधबार युएईसँग हुने

काठमाडौँ, कात्तिक १५ गते। आइसिसी विश्वकप लिग–२ शृङ्खलामा नेपालले अमेरिकाविरुद्ध २७२ रनको लक्ष्य प्रस्तुत गरेको छ। उपकप्तान दीपेन्द्रसिंह ऐरीको अर्धशतकको सहायतामा नेपालले निर्धारित ५० ओभरमा एक बल बाँकी रहँदा सबै विकेट गुमाएर २७१ रन जोड्न सफल भयो।

दुबईस्थित एकेडेमी मैदानमा टस हारेर पहिला ब्याटिङको निम्तो पाएको नेपालका लागि उपकप्तान ऐरीले उत्कृष्ट प्रदर्शन गर्दै ६७ बलमा ७५ रन बनाए। उनले तीन छक्का र दुई चौका प्रहार गरे।
त्यस्तै, करण केसी अर्धशतक बनाउन एक रनले चुके। उनले ३१ बलमा ४९ रन जोड्दै अन्त्यतिर तेज ब्याटिङ गरे।

ओपनर कुशल भुर्तेलले ४७, भीम सार्कीले ४३ र कप्तान रोहित पौडेलले ३६ रनको योगदान दिए। अन्य ब्याट्सम्यान भने दोहोरो अंकमा पुग्न असफल भए।

बलिङतर्फ अमेरिकाका हरमित सिंहले तीन विकेट लिँदा नोस्थुश केन्जिगे र सौरभ नेत्रवल्करले दुई–दुई विकेट हात पारे।
अब अमेरिकाले २७२ रनको लक्ष्य पछ्याउँदै केही बेरमा जवाफी ब्याटिङ सुरु गर्नेछ।

नेपालले यस शृङ्खलाको अन्तिम खेल कात्तिक १९ गते (बुधबार) युएईसँग खेल्नेछ।

प्रतिक्रिया दिनुहोस्

सम्बन्धित समाचार

गरिब देशहरुको सहयोगका लागि विश्व बैंकको ९३ अर्ब डलरको वित्तीय प्याकेज

१० वाणिज्य बैंकले ४ महिनामै कमाए अर्ब बढी नाफा, एनआइसी एसियाको सबैभन्दा धेरै

खप्तड लघुवित्तले आईपीओ जारी गर्ने, बिक्री प्रबन्धकमा प्रभु क्यापिटल नियुक्त

८ जिल्लामा विद्युत प्रणाली सुधारको काम सुरु

बिल एकम्यानको रणनीति : सस्तो सेयर किनेर व्यवस्थापन आफ्नै हातमा लिने

तीन कम्पनीको सेयर मूल्य समायोजन