तनहुँमा पुनः मलेरिया संक्रमण, स्वास्थ्यकर्मी सक्रिय

दमौली (तनहुँ), कात्तिक १७ गते । तनहुँमा दोस्रो पटक मलेरियाको सङ्क्रमण देखिएको छ। भानु नगरपालिका–११ का ३८ वर्षीय पुरुषमा मलेरियाको सङ्क्रमण पुष्टि भएको जनस्वास्थ्य अधिकारीहरूले बताएका छन्।

शान्ति सेनामा सेवा दिएर स्वदेश फर्किएका ती पुरुषमा मलेरियाको सङ्क्रमण भेटिएको हो। प्रदेश जनस्वास्थ्य कार्यालय तनहुँका सूचना अधिकारी सुदीप कँडेलका अनुसार, आइतबार स्वास्थ्यकर्मीहरूले भानु नगरपालिका र रूपाकोट क्षेत्रका बासिन्दामाझ रोगको सक्रिय खोजपड्ताल कार्यक्रम सञ्चालन गरेका छन्।

कँडेलले भने, “शान्ति सेनाबाट फर्किएपछि गरिएको परीक्षणमा मलेरिया पुष्टि भएको थियो। हाल उनी औषधि सेवनपछि पूर्ण रूपमा स्वस्थ भएका छन्।”

यसअघि साउन महिनामा बन्दीपुरका एक पुरुषमा मलेरियाको पहिलो सङ्क्रमण पुष्टि भएको थियो। मलेरिया एनाफिलिज जातका लामखुट्टेबाट सर्ने रोग हो, जसका लक्षणमा ज्वरो, टाउको दुखाइ, थकान र अत्यधिक पसिना आउनु पर्दछ।

प्रतिक्रिया दिनुहोस्

सम्बन्धित समाचार

गरिब देशहरुको सहयोगका लागि विश्व बैंकको ९३ अर्ब डलरको वित्तीय प्याकेज

१० वाणिज्य बैंकले ४ महिनामै कमाए अर्ब बढी नाफा, एनआइसी एसियाको सबैभन्दा धेरै

खप्तड लघुवित्तले आईपीओ जारी गर्ने, बिक्री प्रबन्धकमा प्रभु क्यापिटल नियुक्त

८ जिल्लामा विद्युत प्रणाली सुधारको काम सुरु

बिल एकम्यानको रणनीति : सस्तो सेयर किनेर व्यवस्थापन आफ्नै हातमा लिने

तीन कम्पनीको सेयर मूल्य समायोजन